شىمكەنتتە اۆتوبۋس جولاقىسى 20 تەڭگەگە قىمباتتايدى

شىمكەنت. قازاقپارات - شىمكەنتتە 1 -مامىردان باستاپ اۆتوبۋستاردا جولاقى قىمباتتايدى. قالالىق ءماسليحات سەسسياسىندا بەلگىلى بولعانداي، دەپۋتاتتار قوعامدىق كولىكتە جولاقى ءتاريفىن كوتەرۋ تۋرالى جولاۋشى تاسىمالداۋشىلاردىڭ ۇسىنىسىن قولدادى.

ەندى شىمكەنتتىكتەر اۆتوبۋسقا 50 تەڭگەنىڭ ورنىنا 70 تەڭگە تولەيتىن بولادى.

دەپۋتاتتار جەڭىلدىكپەن جول جۇرەتىن ادامدار ساناتىن دا تالقىلادى. سونىمەن ۇ و س ارداگەرلەرى، 1941-1945 ج ج. ۇ و س جىلدارىنداعى ەرەن ەڭبەگى ءۇشىن مەدالىمەن ماراپاتتالعان تىل ەڭبەككەرلەرى، «التىن القا» جانە «كۇمىس القا» بەلگىلەرىن العان كوپ بالالى انالار تەگىن جۇرەدى. قالانىڭ قۇرمەتتى ازاماتتارى دا تەگىن جۇرەدى. ستۋدەنتتەر 50 تەڭگە، 15 جاسقا دەيىنگى بالالار - 35 تەڭگە تولەيدى.

ەسكە سالساق، شىمكەنتتە سوڭعى رەت جولاقى 2012 -جىلى كوتەرىلگەن. بۇگىنگە دەيىن شىعىنعا باتقان جولاۋشى تاسىمالداۋشى كومپانيالار ءتاريفتى ءوسىرۋ جايلى بىرنەشە رەت ماسەلە كوتەرگەن.