04:50, 02 - ناۋرىز 2016 | GMT +5
جانات سايىن 20 جاسقا دەيىنگى جاستار اراسىندا وتەتىن الەم چەمپيوناتىنا جولداما الدى
ورال. قازاقپارات - باتىس قازاقستاندىق شاحماتشى جانات سايىن كوكشەتاۋ قالاسىندا 20 جاسقا دەيىنگىلەر اراسىندا ەل چەمپيوناتىنىڭ جەڭىمپازى اتاندى.
ب ق و دەنە شىنىقتىرۋ جانە سپورت باسقارماسىنان تۇسكەن مالىمەتكە قاراعاندا، كلاسسيكالىق شاحماتتان ۇزدىك شىققان جانات 20 جاسقا دەيىنگى جاستار اراسىندا وتەتىن الەم بىرىنشىلىگىنە جولداما الدى. سول سياقتى تاعى ءبىر باتىس قازاقستاندىق ايسەزىم مۇحيت كلاسسيكالىق شاحماتتان ەكىنشى، بليتستەن ءۇشىنشى ورىندى يەلەندى. ەندى ول شاحماتتان ازيا چەمپيوناتىندا باق سىنايتىن بولادى.
ەسكە سالا كەتەيىك، ج. سايىن وتكەن جىلى تايلاندتىڭ پاتتايا قالاسىندا 17 جاسقا دەيىنگى جاسوسپىرىمدەر (وقۋشىلار) اراسىنداعى شاحماتتان الەم چەمپيوناتىندا ءابسوليۋتتى جەڭىمپاز اتانعان بولاتىن.
اۆتور: ەلجان ەرالى
