استانادا ق ر پرەزيدەنتىنىڭ قاتىسۋىمەن كونستيتۋتسيانىڭ 20 جىلدىعىنا ارنالعان كونسەرت ءوتىپ جاتىر

شارا قوناقتارىنىڭ اراسىندا قازاقستان رەسپۋبليكاسى كونستيتۋتسياسىنىڭ 20 جىلدىعىنا ارنالعان «كونستيتۋتسيا: بىرلىك، تۇراقتىلىق، وركەندەۋ» اتتى حالىقارالىق عىلىمي- تاجىريبەلىك كونفەرەنتسيانىڭ قاتىسۋشىلارى، سونداي- اق ەلىمىزدىڭ تانىمال مەملەكەت جانە قوعام قايراتكەرلەرى بار. ال، سەربيا رەسپۋبليكاسىنىڭ پرەزيدەنتى توميسلاۆ نيكوليچ بۇل شارانىڭ ارنايى قوناعى بولدى.
كونتسەرتتىك باعدارلاما اياسىندا «استانا وپەرا» تەاترىنىڭ حورى، قۇرمانعازى اتىنداعى قازاق مەملەكەتتىك اكادەميالىق حالىق اسپاپتارى وركەسترى، «سلاۆيان بازارى-2015» ⅩⅢ حالىقارالىق ەسترادالىق ءان ورىنداۋشىلار بايقاۋىندا باس جۇلدەنى يەلەنگەن ديماش قۇدايبەرگەن، «استانا بالەت» مەملەكەتتىك ءبي تەاترى، ق ر ەڭبەك سىڭىرگەن ارتىستەرى، حالىقارالىق بايقاۋلاردىڭ لاۋرەاتتارى، سونداي- اق ءبي انسامبلدەرى ونەر كورسەتتى.