استانادا «ق ر اتا زاڭىنا - 20 جىل» قۇجاتتىق كورمەسى جۇمىسىن باستادى

استانا. قازاقپارات - بۇگىن ق ر ۇلتتىق مۇراعاتى «قازاقستان رەسپۋبليكاسىنىڭ اتا زاڭىنا - 20 جىل» اتتى قۇجاتتىق كورمەنى ۇيىمداستىردى.
None
None

 ۇلتتىق مۇراعاتتىڭ باس ديرەكتورى مارات ابسەمەتوۆتىڭ ايتۋىنشا، كورمەنىڭ وتكىزۋدىڭ باستى ماقساتى - قۇجاتتىق نەگىزدە قوعام مەن مەملەكەتتىڭ باستى زاڭىنىڭ دايىندالۋى مەن قابىلداۋى تاريحىن اشىپ كورسەتۋ. وسى ورايدا وندا مۇراعاتتىڭ قورلارىنان الىنعان ءتۇپنۇسقالىق قۇجاتتار قويىلدى.

«بيىلعى اتاۋلى مەيرامعا وراي اتا زاڭىمىزعا بايلانىستى بۇكىل قۇجاتتاردى كوپشىلىك نازارىنا ۇسىنىپ وتىرمىز. جالپى ايتقاندا، بۇگىندە قازاقستاننىڭ دامۋىنا، الەۋەتىنە اتا زاڭىمىزدىڭ ناتيجەلى بولۋى ىقپال ەتتى. سونىمەن قاتار كونستيتۋتسيامىزدىڭ ارقاسىندا حالقىمىزدى الەم ەلدەرى تانىدى. سوندىقتان بابالارىمىزدىڭ ارمانىن بۇگىنگى ۇرپاق كورىپ وتىر»، - دەدى م. ابسەمەتوۆ.

شاراعا مەملەكەت جانە قوعام قايراتكەرلەرى، ق ر تۇڭعىش كونستيتۋتسياسىن دايارلاۋ بويىنشا جۇمىس توبىنىڭ مۇشەلەرى، ق ر پرالامەنتىنىڭ دەپۋتاتتارى، ق ر مادەنيەت جانە سپورت مينيسترلىگىنىڭ وكىلدەرى، تاريحشى عالىمدار مەن مۇراعاتشىلار قاتىستى.

ايتا كەتەيىك، قالا تۇرعىندارى مەن قوناقتارى كورمەنى بيىلعى قىركۇيەكتىڭ سوڭىنا دەيىن تاماشالاي الادى.

اۆتور: رۋسلان عابباسوۆ

سوڭعى جاڭالىقتار