07:50, 26 - شىلدە 2015 | GMT +5
مايكل دجەكسوننىڭ ايتا الماي كەتكەن 20 ءانى تابىلدى
استانا. قازاقپارات - از عۇمىر كەشسە دە، جارقىلداپ وتكەن پوپ-كورول مايكل دجەكسوننىڭ بۇرىنعى دىبىس رەجيسسەرى تاياۋدا ءبىر جاڭالىق ايتتى.
مايكل دارەم پرينس ءوز كومپيۋتەرىندە ءانشىنىڭ 20 عا جۋىق ءانىن ساقتاپ كەلەدى ەكەن. ءبىراق ولاردىڭ بارلىعى تاسپاعا سوڭىنا دەيىن جازىلماعان.
قازىر دىبىس رەجيسسەرى بۇل كومپوزيتسيالاردى جاريا ەتە المايتىنىن ايتۋدا، سەبەبى ونىڭ بۇعان اۆتورلىق قۇقىعى جوق. تەك عانا دجەكسوننىڭ مۇراگەرلەرىندە بولاتىن بۇل قۇقىقتى ىسكە اسىرۋ ءۇشىن اندەردى سوڭىنا دەيىن ايتىپ، تاسپاعا جازىپ شىعۋ كەرەك.
مايكل دارەم پرينس پوپ-كورولدىڭ كوزى تىرىسىندە اينىماس دوسى بولعان. ول دجەكسونمەن 1995 -جىلدان باستاپ، ءانشىنىڭ اقتىق دەمى تاۋسىلعان كۇنگە دەيىن جۇمىس ىستەدى، دەپ جازادى 24.kz.
