بۇگىن ق ر پارلامەنتىنىڭ ءماجىلىسى قازاقستان حالقى اسسامبلەياسىنىڭ 20 جىلدىعىنا ارنالعان حالىقارالىق كونفەرەنسيا وتكىزەدى
بۇل تۋرالى ءماجىلىستىڭ باسپا ءسوز قىزمەتى حابارلادى.
وكىلەتتى جيىنعا قاتىسۋشىلار قازاقستان مەن مەملەكەت باسشىسى ن. نازاربايەۆتىڭ حالىقارالىق تۇراقتىلىقپەن قامتاماسىز ەتۋگە، قازاقستان حالقىنىڭ قوعامدىق كەلىسىم مەن ۇلتارالىق ىنتىماعىنا، كوپ ۇلتارالىق جانە كوپدىنارالىق قوعامنىڭ وركەندەۋىنە قوسقان ۇلەسى تالقىلانادى.
كونفەرەنتسيا جۇمىسىنا ءماجىلىس سپيكەرى ق. جاقىپوۆ، بەلورۋس رەسپۋبليكاسى ۇلتتىق جينالىسى وكىلدەر پالاتاسىنىڭ ءتوراعاسى ۆ. اندرەيچەنكو، قىرعىزستان رەسپۋبليكاسىنىڭ جوگوركۋ كەنەشى ءتوراعاسى ا. جەەنبەكوۆ، اۋعانستان، قازاقستان، رەسەي، تاجىكستان، تۇركىمەنستان پارلامەنتشىلەرى، ق ح ا وكىلدەرى، سونىمەن قاتار حالىقارالىق ۇيىمداردىڭ وكىلدەرى قاتىساتىن بولادى.
شارا باستالاردان بۇرىن وعان قاتىسۋشىلار قازاقستان حالقى اسسامبلەياسىنىڭ كورمەسىن تاماشالايدى.
سونىمەن بىرگە ءماجىلىس سپيكەرى ق. جاقىپوۆ، بەلورۋس رەسپۋبليكاسى ۇلتتىق جينالىسى وكىلدەر پالاتاسىنىڭ ءتوراعاسى ۆ. اندرەيچەنكو، قىرعىزستان رەسپۋبليكاسىنىڭ جوگوركۋ كەنەشى ءتوراعاسى ا. جەەنبەكوۆ جانە باسقا دا كونفەرەنسياعا قاتىسۋشىلار وتان قورعاۋشىلار مونۋمەنتىنە تاعزىم ەتۋگە قاتىسادى.
