قازاقستان الەمنىڭ قارقىندى دامىپ جاتقان 20 ەلدىڭ قاتارىندا قالۋدى جوسپارلاۋدا
ايتا كەتەيىك بۇگىن استانادا قازاقستان- ماجارستان بيزنەس- فورۋمى ءوتىپ جاتىر. وعان ەكى جاقتان شامامەن 300 گە تارتا كاسىپكەر قاتىسۋدا.
«بۇگىندە ماجارستان قارقىندى دامىپ جاتقان ەل رەتىندە بىلەمىز. ءبىزدىڭ ەلدەر اراسىنداعى ساياسي سۇحباتتىڭ بەلسەندىلىگى، سونىڭ ىشىندە ساۋدا جانە ينۆەستيتسيالىق قاتىناستاردىڭ دەڭگەيى جوعارى. وسى قارىم- قاتىناستاردى دامىتۋعا مۇددەلىمىز. ءبىرقاتار يدەيالار، جوبالارى بار. ولار بۇگىن ۇسىنىلادى. بىزدە ونەركاسىپتىڭ بەلگىلى ءبىر باعىتتارى دا وتە قىزىقتى. وعان ينۆەستيتسيا تارتۋدى كوزدەيمىز. بۇل مەتالل، ءوندىرۋشى ونەركاسىپ، تاماق وڭدەۋ، قۇرىلىس ماتەريالدارىن شىعارۋ سالالار. قازاقستاننىڭ دا ەكونوميكاسى قارقىندى دامۋدا. ماكرو ەكونوميكالىق، ساياسي جانە الەۋمەتتىك تۇراقتىلىق ايماقتىق كوشباسشى بولۋىمىزعا جانە ينۆەستيتسيالار ءۇشىن تارتىمدى ەل رەتىندە قالىپتاسۋىمىزعا شەشۋشى فاكتور بولدى»، - دەپ اتاپ ءوتتى ول.
ۆيتسە- ءمينيستردىڭ سوزىنە قاراعاندا، قازىر قازاقستان ينۆەستيتسيا تارتۋدا ورتالىق ازيادا ءبىرىنشى ورىندا تۇر. جانە الەمدەگى داعدارىسقا قاراماستان، وسى قارقىندى تومەندەتپەي ۇستاپ تۇرۋدى كوزدەيدى.
«سوڭعى بەس جىلدا ترانسشەكارالىق ينۆەستيتسيالار تومەندەگەنىمەن، ءبىز يندۋسترياالاندىرۋدىڭ العاشقى بەسجىلدىعىن ءساتتى وتكەردىك، شامامەن 700 گە تارتا كومپانيا قۇرىلدى. قازىر ءبىز جاڭا بەسجىلدىقتى باستاۋدامىز. ءبىز موينىمىزعا قولايلى ينۆەستيتسيالىق ورتانى قالىپتاستىرۋعا مىندەتتەمە الامىز. ءبىز الەمدە ينۆەستيتسيالىق تارتىمدىلىعى جوعارى ۇزدىك 30 ەلدىڭ قاتارىنا كىرمەك جوسپارىمىز بار. ءبىز ءوز زاڭنامامىزعا ۇلكەن وزگەرىستەر ەنگىزدىك، ونى ءبىرشاما قولايلى ەتىپ جاسادىق. ونىڭ نەگىزىندە ينۆەستورلار مەملەكەتپەن ينۆەمتيتسيالىق كەلىسىمشارت جاساپ، جەكە زاڭناما قۇرا الادى، ونىڭ اياسىندا ءبىز سالىقسىز قىزمەت جۇرگىزۋگە، جۇمىس كۇشىن تارتۋ، سونداي- اق ەلگە قۇيىلعان ينۆەستيتسيالاردىڭ 30 پايىزىن قايتارۋعا دايىنبىز. بىزدە 10 ارنايى ەكونوميكالىق ايماق بار. قازاقستان وسى ارقىلى الەمدەگى جايسىز تەندەنتسيالارعا قاراماستان، ينۆەستيتسيالاردىڭ كولەمىن كەمىتپەۋدى جانە الەمنىڭ 20 قارقىندى دامىپ جاتقان ەلدەرىنىڭ قاتارىندا قالۋدى جوسپارلاۋدا»، - دەدى ول.
اۆتور: جاسۇلان جولدىبايەۆ
