قازاقستان مەن قىتاي 20 جوبانى قولعا الۋدى جوسپارلاۋدا - فوتو
بۇل - مەملەكەتارالىق ينۆەستيتسيالىق-ونەركاسىپتىك ارىپتەستىك تۋرالى باعدارلامانى تالقىلاۋعا ارنالعان ەكىنشى وتىرىس. وعان ىسكەرلىك توپتاردىڭ 300 گە جۋىق وكىلى قاتىسۋدا.
سونىمەن قاتار قىتاي جانە قازاقستان مەملەكەتتىك ورگاندارى مەن ۇلتتىق كومپانيالارى كەلىپ وتىر. قازاقستاندىق تاراپتى ق ر ينۆەستيتسيالار جانە دامۋ ءمينيسترى اسەت يسەكەشيەۆ ۇسىندى. قىتاي دەلەگاتسياسىن ق ح ر- دىڭ دامۋ جانە رەفورمالار كوميتەتى ءتوراعاسىنىڭ ورىنباسارى ۋاڭ شياۋتاۋ باستاپ كەلدى.
تاراپتار قازاقستاندا ءوندىرۋشى سالادا جاڭا جوبالاردى جۇزەگە اسىرۋ مۇمكىندىگىن تالقىلاۋدا.
سەكسيالار بارىسىندا 100 دەن استام باستامالاردى ىسكە اسىرۋدىڭ نەگىزگى جولدارى قارالماق.
ءا. يسەكەشيەۆتىڭ ايتۋىنشا، ءوندىرۋ سالاسىندا دايىن تاۋار شىعاراتىن جانە قوسىمشا قۇنى جوعارى 20 جوبا ىسكە اسىرىلماق.
«وسى وتىرىستىڭ قورىتىندىسىندا بىز بىرقاتار جوبالاردىڭ ءتىزىمىن جاسايمىز جانە ناۋرىزدا بىرنەشە كەلىسىمدەرگە قول قويامىز. ولاردىڭ باسىم بولىگى بيىل قولعا الىنادى دەپ جوسپارلانۋدا. ءبىز قولداۋعا دايىنبىز. ەكى ەل باسشىلارى كەلىسىمدەرىنىڭ نەگىزىندە ءوتىپ جاتقان بۇل كەلىسسوزدەر بىزدىڭ مەملەكەتتەردىڭ ەكونوميكالىق يگىلىگىنە جۇمىس جاسايدى دەپ سەنەمىن»، - دەدى مينيستر.
اۆتور: جاسۇلان جولدىبايەۆ
