09:30, 08 - قاڭتار 2015 | GMT +5
وتكەن جىلى الەمدەگى بوسقىندار سانى 20 جىل بۇرىنعى رەكوردتى جاڭارتتى
استانا. قازاقپارات - ب ۇ ۇ بوسقىندار ءىسى جونىندەگى جوعارعى كوميسسارى باسقارماسى جاريالاعان جاڭا باياندامادا 2014-جىلدىڭ ءبىرىنشى جارتىسىنداعى جاعداي بويىنشا الەمدەگى بوسقىنداردىڭ سانى 13 ميلليونعا جەتكەن.
بۇل كورسەتكىش 1996-جىلعى رەكوردتى جاڭارتتى.
قۇجات اۆتورى 2014-جىلعى ماۋسىمدا سيريالىق بوسقىندار سانى 3 ميلليونعا وسكەنىن حابارلادى. سيريا بۇل كورسەتكىش بويىنشا 30 جىلدا العاش رەت اۋعانستاندى باسىپ وزدى.
باياندامادا كەلتىرىلگەن دەرەكتەر وتكەن جىلدىڭ ءبىرىنشى جارتىسىنداعى جاعداي بويىنشا الەمدەگى جالپى بوسقىنداردىڭ سانى 2013-جىلدىڭ اياعىمەن سالىستىرعاندا، 5,5 ميلليون ادامعا وسكەنىن كورسەتەدى. بوسقىنداردىڭ كوبەيۋىنە ورتا شىعىس پەن سولتۇستىك افريكاداعى قارۋلى قاقتىعىس سەبەپ بولعانى ايتىلادى.
