الماتى مەتروسى 20 ميلليونىنشى جولاۋشىنى ماراپاتتادى
جەرگىلىكتى تۇرعىن اننا چەباكوۆا مەترونىڭ 20 ميلليونىنشى جولاۋشىسى اتاندى.
قالا اكىمىنىڭ ورىنباسارى يۋريي يلين قىزدى قۇتتىقتاپ، وعان مەتروپوليتەندە ءبىر جىل تەگىن جۇرۋگە ابونەمەنت پەن پلازمالى تەلەديدار سىيلادى.
باسپاءسوز قىزمەتىنىڭ حابارلاۋىنشا، مەترو ىسكە قوسىلعالى بەرى مۇندا جولاۋشىلار سانى تۇراقتى تۇردە ءوسىپ كەلەدى. ەگەر 2012 - جىلى ءبىر تاۋلىكتە 15-16 مىڭ جولاۋشى بولسا، بيىل بۇل كورسەتكىش 24-25 مىڭ ادامعا دەيىن كوبەيدى.
"سايران" جانە "ماسكەۋ" اتالاتىن جاڭا ستانتسيالار ىسكە قوسىلعاننان كەيىن جولاۋشىلار اعىنى ەكى ەسەگە ۇلعايماق.
بۇعان دەيىن بۇل ەكى ستانتسيانىڭ ىسكە قوسىلۋى 2015 -جىلعا شەگەرىلەتىنى حابارلانعان ەدى. كەيىن اكىمدىك بۇل اقپاراتتى تەرىسكە شىعاردى. 1 - جەلتوقسان كۇنى مەترودا سالتاناتتى شارا ءوتتى.
ايتا كەتەيىك، "سايران" ستانسياسى اباي داڭعىلىنىڭ برۋسيلوۆسكي جانە تىلەنديەۆ كوشەلەرىنىڭ ارالىعىندا، ال "ماسكەۋ" اباي داڭعىلىنىڭ تىلەنديەۆ جانە التىنسارين كوشەلەرىنىڭ ارالىعىندا ورنالاسادى. ازىرشە مەتروپوليتەندە جەتى ستانسيا جۇمىس ىستەپ تۇر.
