لوتەرەيا ۇيىمداستىرۋشىلارى 20 ميلليون تەڭگە ۇتىسقا يە بولعان قاراعاندىلىق ازاماتتى تاپپاي الەك

استانا. قازاقپارات - «استانا ەكسپو-2017» ۇلتتىق لوتەرەياسىنىڭ ۇيىمداستىرۋشىلارى 20 ميلليون تەڭگە كولەمىندەگى دجەك-پوتتى ۇتىپ العان قاراعاندىلىق ازاماتتى ۇتىسىن سالتاناتتى تۇردە تابىستاۋ ءۇشىن ىزدەسىرىپ جاتىر، دەپ حابارلايدى «ەكسپرەسس- ك» گازەتىنەن.

بۇل ۇتىس ويىنى بيىلعى جىلدىڭ 8 - قاراشاسىندا وتكەن. EXPO LOTTO ويىنىندا ۇتىس كومبيناتسياسىنىڭ بارلىق التى سانى (6, 8, 13, 18, 28, 30) ىرىستى ازاماتتىڭ ساتىپ العان بيلەتىندەگى نومىرلەرىمەن بىردەي شىققان.

الايدا جەڭىمپاز ۇتىسىن الۋ ءۇشىن ءالى كەلمەي ءجۇر. الدىن الا جاسالعان بولجام بويىنشا، ول ءوزىنىڭ بيلەتىن تەكسەرۋدى ۇمىتىپ كەتكەن بولۋى مۇمكىن. ۇلتتىق لوتەرەيانى وتكىزۋدىڭ ەرەجەلەرىنە سايكەس، جاڭا ميلليونەردى تۋرا 90 كۇن كۇتەدى.