11:43, 28 - جەلتوقسان 2017 | GMT +6
قىتاي 2050 -جىلعا قاراي ساۋدا سالاسىنداعى الپاۋىت ەلگە اينالادى
استانا. قازاقپارات - قىتاي 2050 -جىلعا قاراي الەمنىڭ ساۋدا- ساتتىق سالاسىنداعى الپاۋىت ەلىنە اينالماق، دەپ حابارلايدى شينحۋا.
ق ح ر كوممەرتسيا(ساۋدا) مينيسترلىگى وسى باعىتتا «جول كارتاسىن» ازىرلەگەن. بۇل تۋرالى ەلدىڭ كوممەرتسيالىق ىستەر بويىنشا وتكەن جيىندا بەلگىلى بولدى.
ناقتى دەرەكتەرگە قاراعاندا، قىتاي سوڭعى بەس جىل ىشىندە ىشكى تۇتىنۋ، سىرتقى ساۋدا، تارتىلعان ىشكى ينۆەستيتسيا كولەمى بويىنشا الەم ەلدەرىنىڭ الدىنا شىققان.
قىتايدىڭ ساۋدا ءمينسترى جۋن شانيانىڭ ايتۋىنشا، اتالعان «جول كارتاسى» ءۇش كەزەڭمەن جۇزەگە اسىرىلادى.
اتاپ ايتقاندا، 2020 -جىلعا قاراي ەلدى الەمنىڭ ەڭ ءىرى ساۋدا ورتالىعىنا اينالدىرۋ مارتەبەسى نىعايتىلادى. 2035 -جىلى قۋاتتى ساۋدا دەرجاۆاسىنىڭ قۇرىلىستارى جۇرگىزىلسە، 2050 -جىلعا قاراي العا قويىلعان ماقساتقا قول جەتكىزىلەتىن بولادى.
