استانا 2050 - جىلى حالىقارالىق مەگاپوليسكە اينالادى - «جىبەك جولى» بەيبىتشىلىك سىيلىعى كوميتەتىنىڭ مۇشەسى ياۋ پيشىڭ

وسىعان وراي مەن «قازاقپارات» اقپاراتتىق اگەنتتىگىنىڭ مۇمكىندىگىن پايدالانا وتىرىپ، قىتاي ەلشىسى رەتىندە قازاقستان حالقىن جانە پرەزيدەنت نۇرسۇلتان نازاربايەۆتى شىن جۇرەكتەن قۇتتىقتاعىم كەلەدى.
بۇل تۋرالى قىتاي حالىق رەسپۋبليكاسىنىڭ قازاقستانداعى بۇرىنعى ەلشىسى، «جىبەك جولى» بەيبىتشىلىك سىيلىعى كوميتەتىنىڭ مۇشەسى ياو پەيشەن ءمالىم ەتتى.
استانا قالاسىنىڭ بۇگىنگى دامۋى پرەزيدەنت نۇرسۇلتان نازاربايەۆتىڭ 20 -جىل بۇرىنعى قازاقستان استاناسىن كوشىرۋ تۋرالى شەشىمىنىڭ دۇرىس بولعانىن دالەلدەپ وتىر. دانا ساياساتكەر ءارى ستراتەگ رەتىندە ن. نازاربايەۆ ەل ءۇشىن، تۇتاس حالىق ءۇشىن تاريحي مانگە يە ۇلكەن جوبانى جۇزەگە اسىردى.
بۇگىندە استانا ەلدىڭ ساياسي ورتالىعىنا، قازاقستاننىڭ جاۋھارىنا اينالدى. 2050 - جىلى استانا حالىقارالىق مەگاپوليسكە اينالاتىنىنا سەنىمدىمىن.
جۋىردا «جىبەك جولى» بەيبىتشىلىك سىيلىعىن يەمدەنۋىنە وراي ق ر پرەزيدەنتى نۇرسۇلتان نازاربايەۆتى شىن جۇرەكتەن قۇتتىقتاعىم كەلەدى
نۇرسۇلتان نازاربايەۆ قىتاي مەن قازاقستان قارىم- قاتىناسىنىڭ دامۋىنا، ازياداعى بەيبىتشىلىك پەن ايماقتاعى تۇراقتىلىقتىڭ ساقتالۋىنا ايرىقشا ۇلەس قوستى. ول - قازاقستاننىڭ كوشباسشىسى جانە قىتاي حالقىنىڭ سەنىمدى دوسى.
ەستەرىڭىزگە سالا كەتەيىك، وسى جىلدىڭ مامىر ايىنداعى قىتاي حالىق رەسپۋبليكاسىنا رەسمي ساپارىندا، شانحاي قالاسىندا مەملەكەت باسشىسىنا «جىبەك جولى» بەيبىتشىلىك سىيلىعى تابىس ەتىلگەن.
«جىبەك جولى» سىيلىعى: «جىبەك جولى» بەيبىتشىلىك سىيلىعى، «جىبەك جولى - گۋمانيتارلىق ىنتىماقتاستىق» جانە «جىبەك جولىنىڭ ديپلوماتيالىق جەتىستىكتەرى» ءۇشىن دەپ اتالاتىن ءۇش ناگرادادان تۇرادى.
سونىڭ ءبىرىنشىسى ەڭ مارتەبەلى ناگرادا بولىپ ەسەپتەلەدى. بۇل دارەجەلى سىيلىق العاش بولىپ، ن. نازاربايەۆقا تابىس ەتىلدى.