قازاقستان حالقى 2050-جىلعا قاراي 24 ميلليونعا جەتەدى – ب ۇ ۇ بولجامى
«جالپى دەموگرافيالىق تەندەنتسيا جاعدايىندا مەملەكەتتىك بيۋجەتكە تۇسەتىن اۋىرتپالىقتى بولدىرماۋ ءۇشىن ەلدە زەينەتاقىمەن قامسىزداندىرۋدىڭ جيناقتاۋشى كومپونەنتىن مىندەتتى جانە ەرىكتى تۇردە دامىتۋدىڭ ماڭىزى زور. ب ۇ ۇ بولجامدارى بويىنشا، الداعى ونجىلدىقتاردا جەر بەتىندەگى حالىق سانى وسەدى: قازىرگى 7,7 ميلليارد ادام 2030-جىلى 8,5 ميللياردقا، ال 2050-جىلى 9,7 ميللياردقا دەيىن ارتادى. بولجام بويىنشا، قازاقستان حالقىنىڭ سانى دا وسەدى دەپ كۇتىلۋدە: 2050-جىلعا قاراي حالىق سانى 24 ميلليون ادامعا جەتەدى»، - دەلىنگەن اقپاراتتا.
بيىلعى جىلعا كەلەر بولساق، 2019-جىلدىڭ باسىندا قازاقستاندا 18,4 ميلليون ادام ءومىر ءسۇردى، بۇل الدىڭعى جىلمەن سالىستىرعاندا (18,2 ميلليون ادام) %1,3 عا كوپ. سوڭعى 10 جىلدا ەلدەگى حالىقتىڭ ورتاشا ءوسىمى جىلىنا %1,5 قۇراعان.
حالىق سانىنىڭ ءوسۋى الەمدە دە، قازاقستاندا دا ەگدە جاستاعى ادامدار سانىنىڭ تۇراقتى وسۋىمەن قاتار جۇرەدى. ەگەر 2014-جىلى 65 جاستان اسقان تۇرعىندار قازاقستان حالقىنىڭ %6,8 ىن قۇراسا، 2018-جىلدىڭ سوڭىندا - %7,5 عا جەتتى. بولجامعا سايكەس، ەلدە 65 جاستان اسقان ەگدە جاستاعى ادامداردىڭ ۇلەسى 2050-جىلى قازىرگى %7,5 دان %14,1 عا دەيىن ەكى ەسە ارتادى.
ايتا كەتۋ كەرەك، ب ۇ ۇ- نىڭ جاس شكالاسى بويىنشا قازاقستان رەسپۋبليكاسىنىڭ حالقى قارتايعان بولىپ سانالادى. وسى ۇردىستەرگە سايكەس قازاقستاندا ءومىر ءسۇرۋ ۇزاقتىعى دا ارتادى دەپ كۇتىلۋدە. سونىمەن، 2014-جىلى ءومىر ءسۇرۋ ۇزاقتىعى 71,44 جاس بولسا، 2018-جىلدىڭ سوڭىندا بۇل كورسەتكىش 73,15 جاسقا دەيىن ءوستى. ءومىر ءسۇرۋ ۇزاقتىعىنىڭ ەداۋىر ارتۋى حالىقتىڭ ءومىر ءسۇرۋ ساپاسىنىڭ ارتۋىنا بايلانىستى.
