دۋباي پوليتسياسىنىڭ تورتتەن ءبىرى 2030-جىلى روبوت بولادى

استانا. قازاقپارات - دۋبايدا العاشقى روبوت پوليتسەي قىزمەتكە كىرىستى

ونىڭ قاتارعا الىناتىنى بىلتىر جاريا ەتىلگەن بولاتىن، دەپ حابارلايدى arabianbusiness.coml.

روبوت پوليتسەيدىڭ بويى 170 سانتيمەتر، سالماعى 100 كەلى شاماسىندا. ول 1,5 مەتر قاشىقتىقتان قولمەن جاسالعان يشارانى تۇسىنەدى.

الگوريتمدەر كومەگىمەن ادامنىڭ ەموتسياسىن دا تانۋعا قابىلەتتى. ادامنىڭ كوڭىل كۇيىنە قاراي روبوت اداممەن بايلانىسۋدىڭ جولدارىن تاڭدايدى. ول ادامنىڭ ءجۇزىن 20 مەتر قاشىقتىقتان انىقتايدى، ياعني قىلمىسكەردى ىزدەۋمەن اينالىسادى.

اپپارات ساۋدا ورتالىعىندا، سونىمەن قاتار كوشەلەردە قوعامدىق ءتارتىپتى قاداعالايدى. 2030-جىلى روبوت پوليتسەي جەرگىلىكتى پوليتسيانىڭ تورتتەن ءبىرىن جاساقتايدى دەپ كۇتىلۋدە. بيىل قۇلتەمىردەن عانا تۇراتىن پوليتسيا ۋچاسكەسى اشىلماق.