ەلوردا تۇرعىندارىنىڭ سانى 2030 -جىلعا قاراي 2 ميلليونعا جەتەدى
«ورنىقتى دامۋ سالاسىنداعى ب ۇ ۇ ماقساتتارىنىڭ ءبىرى قالانى دامىتۋعا ارنالعان. بۇل كەزدەيسوق ەمەس. قازاقستاندا ءبىز وسى باعىتقا ەرەكشە نازار اۋدارامىز. الەمنىڭ جىلدام دامىپ كەلە جاتقان استانالارىنىڭ قاتارىنا كىرەتىن ەلوردامىز باسقا قالالاردىڭ دامۋىنا ۇلگى بولادى. وتكەن شيرەك عاسىردا ەلىمىزدىڭ باس قالاسىنىڭ اۋماعى 3 ەسە ۇلعايىپ، حالقىنىڭ سانى 4 ەسە ءوستى»، - دەدى قاسىم- جومارت توقايەۆ.
وسى ورايدا پرەزيدەنت قالانىڭ ەكونوميكالىق الەۋەتىنە توقتالدى.
«ساراپشىلاردىڭ بولجامى بويىنشا ەلوردا تۇرعىندارىنىڭ سانى 2030 -جىلعا قاراي 2 ميلليونعا جەتەدى. ەل استاناسى مارتەبەسىنە يە بولعان ساتتەن بەرى قالانىڭ ەكونوميكالىق الەۋەتى 100 ەسەدەن استام ارتتى. قازىر قالا ەكونوميكاسى ەلدەگى جالپى ىشكى ءونىمنىڭ 10 پايىزدان استامىن قۇرايدى»، - دەدى مەملەكەت باسشىسى.
استانالار مەن ءىرى مەگوپوليستەر - مەملەكەتتىڭ ساياسي، ەكونوميكالىق جانە مادەني ءومىرىنىڭ وزەگى. بۇل تۋرالى استانانىڭ باۋىرلاس قالالارى فورۋمىندا پرەزيدەنت قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«باسەكە دەڭگەيى جوعارى جانە قۇبىلمالى قازىرگى الەمدە قالالاردىڭ قارقىندى ءارى ورنىقتى دامۋى وتە ماڭىزدى. استانالار مەن ءىرى مەگوپوليستەر - مەملەكەتتىڭ ساياسي، ەكونوميكالىق جانە مادەني ءومىرىنىڭ وزەگى. ولار مەملەكەتتەردىڭ وركەندەۋىندە جەتەكشى ءرول اتقارادى»، - دەدى قاسىم- جومارت توقايەۆ.
وسى ورايدا پرەزيدەنت ءىرى مەگاپوليستەر ينۆەستيتسيالاردى، يننوۆاتسيالىق تەحنولوگيالاردى، ەڭ باستىسى، ادامي كاپيتالدى تارتا وتىرىپ، قالالار وراسان زور كۇش شوعىرلاناتىن ورتاعا اينالاتىنىن ايتتى.
«ادامدار جانە ولاردىڭ شىعارماشىلىق قۋاتى، بىرەگەي ءبىلىمى، كرەاتيۆتى يدەياسى مەن وتانشىلدىق رۋحى - ۇلت جەتىستىگىنىڭ نەگىزگى فاكتورى. سوندىقتان قالالاردى ءتيىمدى باسقارۋ جانە ۋربانيستيكاداعى جاڭا ۇردىستەردى جۇيەلى زەردەلەۋ قاجەت. بۇل ماسەلە بولاشاققا ۇمتىلعان ءار مەملەكەت ءۇشىن ستراتەگيالىق ماڭىزعا يە بولا باستادى»، - دەدى مەملەكەت باسشىسى.
