2028 -جىلعى جازعى وليمپيادا باعدارلاماسىنا 5 ويىن ءتۇرى ەنگىزىلدى

حالىقارالىق وليمپيادا كوميتەتى 2028 -جىلعى جازعى وليمپيادا باعدارلاماسىنا بەس ويىن ءتۇرىن ەنگىزدى، دەپ حابارلايدى Kazinform.

АҚШ
Фото: Фото: Prosports.kz

الەم جۇرتشىلىعى ا ق ش- تى اتالعان سايىستى ەڭ كوپ ۇيىمداستىرعان ەل رەتىندە تانيدى. وندا 4 رەت جازعى جانە 4 رەت قىسقى وليمپيادا وتكەن.

جازعى وليمپيادا باعدارلاماسىنا قاتىسۋشىلار فلاگ- فۋتبول، كريكەت، لاكروسس، سكۆوش، بەيسبولدان جۇلدەنى ساراپقا سالادى. ايتا كەتسەك، ولاردىڭ اراسىنان ءبىرقاتار سپورت ءتۇرى بۇرىنعى جىلداردا وليمپيادا باعدارلاماسىندا بار بولاتىن. الايدا ءارتۇرلى سەبەپكە بايلانىستى وليمپيادا باعدارلاماسىنان الىنىپ تاستالعان ەدى.

اتاپ ايتقاندا، كريكەت وليمپيادا باعدارلاماسىنا 128 -جىلدان كەيىن قايتا ورالسا، بەيسبولدان بۇدان بۇرىن 1992، 1996، 2000، 2004، 2008 جانە 2020 -جىلداردا جۇلدەلەر ساراپقا سالىندى.

ءدۇبىرلى دودا 2028 -جىلدىڭ 14-30-شىلدە ارالىعىندا ا ق ش- تىڭ لوس- اندجەلەس قالاسىندا وتەدى. بۇل قالادا بۇدان بۇرىن 1932 جانە 1984 -جىلدارى اتالعان ءدۇبىرلى دودا وتكىزىلگەن بولاتىن. ال 2024 -جىلى ءدۇبىرلى دودا فرانتسيا استاناسى پاريج قالاسىندا جالاۋىن كوتەرەدى.

سوڭعى جاڭالىقتار