2026-جىلى زەينەتاقى وسەدى

استانا. قازاقپارات - سەناتقا ءماجىلىس قابىلداعان 2026-2028-جىلدارعا ارنالعان رەسپۋبليكالىق بيۋجەت تۋرالى زاڭ جوباسى ءتۇستى.

قۇجاتقا سايكەس، زەينەتكەرلىك جاسقا بايلانىستى تولەنەتىن جانە ەڭبەك سىڭىرگەن جىلدارى ءۇشىن بەرىلەتىن زەينەتاقى تولەمدەرىنە بولىنەتىن قاراجات كولەمى 2026-جىلعى 1-قاڭتاردان باستاپ %10 ءوسىم جوسپارلانعان.

سونىمەن قاتار، زاڭ 2026-جىلعى 1-قاڭتاردان باستاپ كەلەسى كورسەتكىشتەردى بەلگىلەيدى:

ەڭ تومەنگى جالاقى مولشەرى - 85000 تەڭگە؛

مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى - 35596 تەڭگە؛

ەڭ تومەنگى زەينەتاقى مولشەرى - 69049 تەڭگە؛

ايلىق ەسەپتىك كورسەتكىش (ا ە ك) - 4325 تەڭگە؛

تىرشىلىك مينيمۋمىنىڭ مولشەرى - 50851 تەڭگە.