2025 -جىل - جۇمىسشى ماماندىقتارىنىڭ جىلى: پرەزيدەنت جارلىققا قول قويدى
استانا. KAZINFORM - مەملەكەت باسشىسى قاسىم-جومارت توقايەۆتىڭ جارلىعىمەن 2025 -جىل جۇمىسشى ماماندىقتارىنىڭ جىلى دەپ جاريالاندى.
- جۇمىسشى ماماندىقتارىنىڭ بەدەلىن ارتتىرۋ جانە تەحنيكالىق جانە كاسىپتىك ءبىلىم بەرۋ جۇيەسىنىڭ رەفورماسىن جۇزەگە اسىرۋ ماقساتىندا قاۋلى ەتەمىن:
1. 2025 -جىل جۇمىسشى ماماندىقتارىنىڭ جىلى دەپ جاريالانسىن.
2. قازاقستان رەسپۋبليكاسىنىڭ ۇكىمەتى جۇمىسشى ماماندىقتارىنىڭ جىلىن وتكىزۋ بويىنشا قاجەتتى شارالاردى قابىلداسىن.
3. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
4. وسى جارلىق قول قويىلعان كۇنىنەن باستاپ قولدانىسقا ەنگىزىلەدى، - دەپ جازىلعان اقوردانىڭ رەسمي سايتىنا جاريالانعان قۇجاتتا.
ايتا كەتەيىك، بۇعان دەيىن Kazinform ءتىلشىسى وسى ماسەلەدە «وزگەرىستى نەدەن باستاۋ قاجەت؟»، «جۇمىسشى مامانداردىڭ ستاتۋسىن قالاي بەلگىلەيمىز؟» دەگەن ساۋالعا جاۋاپ ىزدەپ كورگەن.
