قازاقستاندىقتار 2025 -جىلى 89 ەلگە ۆيزاسىز ساپارلايتىن بولادى
بۇل تۋرالى ماجىلىستەگى «Nur Otan» پارتياسى پارلامەنتتىك فراكسياسىنىڭ كەڭەيتىلگەن وتىرىسىندا ۇكىمەت باسشىسى اسقار مامين ايتتى، دەپ حابارلايدى قازاقپارات ءتىلشىسى.
«ەلباسىنىڭ كوپۆەكتورلى سىرتقى ساياسي باعىتىن جانە مەملەكەت باسشىسىنىڭ حالىقارالىق باستامالارىن ىسكە اسىرۋ جالعاسادى. 2022 جانە 2025 -جىلدارى الەمدىك جانە ءداستۇرلى دىندەر كوشباسشىلارىنىڭ سەزى وتكىزىلەدى. شەتەلدە وقيتىن جانە جۇمىس ىستەيتىن قازاقستاندىقتار مەن قازاقستاننان اسىراپ الىنعان بالالاردىڭ قۇقىقتارى مەن مۇددەلەرىن قورعاۋ قامتاماسىز ەتىلەدى. نەگىزگى ستراتەگيالىق ارىپتەستەرمەن قاتىناستاردى نىعايتۋ بويىنشا جۇمىس جالعاسادى»، - دەدى ۇكىمەت باسشىسى «Nur Otan» پارتياسىنىڭ «وزگەرىستەر جولى: ءار ازاماتقا لايىقتى ءومىر!» سايلاۋ باعدارلاماسىن ورىنداۋدىڭ جول كارتاسىن تالقىلاۋ بارىسىندا.
ونىڭ اتاپ وتۋىنشە، ەۋرازيالىق ەكونوميكالىق وداق اياسىنداعى ينتەگراتسيا، قازاقستاندىق باستامالاردى ىلگەرىلەتۋ، ش ى ۇ، ب ر ي ك س، ي ى ۇ ەلدەرىمەن ارىپتەستىك جالعاسا بەرەدى.
«سونىمەن قاتار قازاقستاننىڭ ۋاكىلەتتى مەملەكەتتىك ورگاندارى وكىلدەرىنىڭ ب ۇ ۇ جانە باسقا دا حالىقارالىقارىپتەستەردىڭ ءىس-شارالارىنا قاتىسۋى قامتاماسىز ەتىلەدى. 2021 -جىلى ۆيزاسىز رەجيم ەلدەرىنىڭ ءتىزىمى كەڭەيىپ، 77 ەلدەن تۇراتىن بولادى. ال كەيىن، 2025 -جىلى 89 ەلگە دەيىن كەڭەيەدى»، - دەدى اسقار مامين.
