ۇلتتىق ۇلان 2025 -جىلعا دەيىن 5 اسكەري تاسىمالداۋشى ۇشاق ساتىپ الماقشى
بۇل تۋرالى ۇلتتىق ۇلاننىڭ باس قولباسشىسى بۇكىلارميالىق كەڭەس وتىرىسىندا ءمالىم ەتتى.
«ۇلتتىق ۇلاندى دامىتۋدىڭ 2021-2027 -جىلعا ارنالعان كەشەندى ۇلتتىق جوپارى بەكىتىلدى. اسكەردىڭ جەكە قۇرامىن دايارلاۋ، وقىتۋ جانە تاربيەلەۋ جونىندەگى باسقارۋ قۇجاتتارى ۇلتتىق قاۋىپسىزدىككە تونەتىن جاڭا قاتەرلەر مەن قاۋىپتەردى ەسكەرە وتىرىپ قايتا وڭدەلدى. سانى مىڭنان استام ارنايى ماقساتتاعى جاڭا قۇرىلىمدار قالىپتاستىرىلدى»، - دەدى ەركىن بوتاقانوۆ.
سونداي- اق، ول، پاۆلودار، تالدىقورعان جانە جاڭاوزەن قالالارىندا جەدەل ماقساتتاعى جەكە باتالوندار قۇرىلىپ، قايتا جاساقتالعانىن ەسكە سالدى.
«بۇل ىستە وبلىستار مەن قالالاردىڭ اكىمدەرى پراكتيكالىق كومەك كورسەتىپ جاتىر. اسكەردىڭ جەدەل ارەكەتى ءۇشىن 2025 -جىلدىڭ اياعىنا دەيىن 5 جاڭا اسكەري تاسىمال ۇشاعى ساتىپ الىنادى. ونىڭ بىرەۋى بيىل ەمرزىمىنەن بۇرىن ەلگە جەتكىزىلەدى»، - دەدى ۇلتتىق ۇلاننىڭ باس قولباسشىسى.
ايتا كەتەيىك، استانادا مەملەكەت باسشىسىنىڭ قاتىسۋىمەن بۇكىلارميالىق كەڭەستىڭ وتىرىسى ءوتتى.
بۇعان دەيىن قورعانىس مينيسترلىگىنە قاراستى وقۋ ورىندارى پەداگوگتەرىنىڭ جالاقىسى وسەتىنى بەلگىلى بولعان ەدى.
