ج و و ستۋدەنتتەرىنىڭ شاكىرتاقىسى 2025 -جىلعا دەيىن 2 ەسە ۇلعايادى - مينيسترلىك
ونداعى دەرەكتەرگە قاراعاندا، مينيسترلىكتىڭ 2026-2030 -جىلدار ارالىعىنداعى جۇمىسى وسى تاپسىرما شەڭبەرىندە جالعاسادى.
بارلىق ستۋدەنتتەرگە ءبىلىم الۋ ءۇشىن قاجەتتى الەمدىك سيفرلىق رەسۋرستارعا قولجەتىمدىلىك قامتاماسىز ەتىلەدى. وتكىزىلگەن جۇمىس قورىتىندىسى بويىنشا ءبىلىم بەرۋ باعدارلامالارىنا ەنگىزۋ ءۇشىن وزەكتى كۋرستار ىرىكتەلدى. 654 Coursera كۋرسى مەن 650 ءبىلىم بەرۋ باعدارلامالارىنىڭ ءتىزىمى جاسالدى جانە ول 1500 پانگە قولدانىلۋى مۇمكىن.
«ستۋدەنتتىك جاتاقحانالار سالۋ كەزىندە مەملەكەتتىك تاپسىرىستى ورنالاستىرۋ مەرزىمىن 8 جىلدان 6 جىلعا دەيىن قىسقارتۋ جانە جاتاقحاناداعى ءبىر ورىنعا مەملەكەتتىك تاپسىرىستىڭ مولشەرىن 122 ا ە ك- تەن 195 ا ە ك- كە دەيىن، الماتى قالاسى ءۇشىن 144 ا ە ك- تەن 230 ا ە ك- كە دەيىن ۇلعايتۋ ارقىلى قولدانىستاعى مەملەكەتتىك- جەكە ارىپتەستىك تەتىگىن جەتىلدىرۋ بويىنشا جۇمىس جۇرگىزىلۋدە»، - دەلىنگەن حابارلامادا.
