استانادا 2024 -جىلى حالىقارالىق تازىلار كورمەسى وتەدى
«بيىل تامىزدا قازاقستان كينولوگيا وداعى حالىقارالىق كينولوگيا فەدەرتسياسىنىڭ تولىق مۇشە اتاندى. ەندى ءبىزدىڭ تازىلار مەن توبەتتەردى حالىقارالىق دەڭگەيگە تانىتۋعا قۇقىعىمىز بار. كەلەسى جىلى مامىردا ءبىز تازىلاردىڭ كورمەسىن وتكىزەمىز، ول ءۇشىن حالىقارالىق كوميسسيا تازىلارمەن تانىستى. تازىلاردىڭ جاعدايىن، سانىن قاراپ ءوز قورىتىندىلارىن شىعاردى»، - دەدى باۋىرجان سەرىكقالي ەلوردادا وتكەن تازى، توبەتتەردى دامىتۋعا ۇلەس قوسقان ازاماتتاردى پرەزيدەنت اتىنان العىس جاريالاۋ ءىس- شاراسى بارىسىندا.
ونىڭ ايتۋىنشا، ەلىمىزدە توبەتتەردىڭ جاعدايى تومەندەۋ.
«نەگە دەسەڭىز، الدىمەن ولاردىڭ ناقتى سانى بەلگىسىز، ولارعا ارنالعان ستاندارت جوقتىڭ قاسى، بار ءبىراق ەسكى. ناقتى ستاندارت بەكىتىلگەن كەيىن، ءبىز ولاردى ساناپ، ولارعا قۇجات بەرەمىز. اتالعان جۇمىستاردان كەيىن ءبىز توبەتتى حالىقارالىق دەڭگەيدە مويىنداتۋ بويىنشا حالىقارالىق كينولوگتار فەدەرۆتسياسىنا ءوتىنىش بەرە الامىز»، - دەيدى ول.
