10:38, 11 - قىركۇيەك 2023 | GMT +6
ەۋرو-2024: قازاقستان قۇراماسى توبىندا جاڭا كوشباسشىلار انىقتالدى
استانا. قازاقپارات - فۋتبولدان 2024 -جىلعى ەۋروپا چەمپيوناتىنا ىرىكتەۋ ساتىسىندا قازاقستان قۇراماسى سىنعا ءتۇسىپ جاتقان H توبىندا التىنشى تۋردان كەيىنگى تۋرنير كەستەسى بەلگىلى بولدى، دەپ حابارلايدى قازاقپارات ءتىلشىسى.
اتالعان توپتا دانيا سىرت الاڭدا فينليانديانى 1:0 ەسەبىمەن تىزە بۇكتىرسە، سلوۆەنيا سان-مارينودان 4:0 ەسەبىمەن باسىم ءتۇستى.
ال قازاقستان بۇل تۋردا سولتۇستىك يرلانديانى 1:0 ەسەبىمەن سۇرىندىرگەنىن بۇعان دەيىن جازعان بولاتىنبىز. سولاي، 12 ۇپايمەن ەكىنشى ورىنعا كوتەرىلگەن بولاتىن.
ناتيجەسىندە قازىر تۋرنير كەستەسى كەلەسىدەي: دانيا - 13 ۇپاي، سلوۆەنيا - 13 ۇپاي، فينليانديا - 12 ۇپاي، قازاقستان - 12 ۇپاي، يسلانديا - 3 ۇپاي، سان-مارينو - 0 ۇپاي.
الدا ءتورت تۋر ويىندارى قالدى. ەندى قۇرامالار قازان جانە قاراشا ايلارىندا شەبەرلىك بايقاسادى.
العاشقى ەكى ورىنعا يە بولعان قۇراما 2024 -جىلعى ەۋروپا چەمپيوناتىنىڭ ىرىكتەۋ ساتىسىنا تىكەلەي جولداما الادى.
