ەۋرو-2024: ماكسيم سامورودوۆ قازاقستان جانە سولتۇستىك يرلانديا كەزدەسۋىندە العاشقى گولدى سوقتى
بۇل ويىندى تاماشالاۋعا قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ ارنايى كەلدى.
سونداي-اق، مارتەبەلى مەيماندار قاتارىندا قازاقستان بوكسىنىڭ اڭىزى گەننادي گولوۆكين دە بار.
ءدال قازىر ويىننىڭ العاشقى وتىز مينۋتى ارتتا قالدى. العاشقى مينۋتتان قازاقستاندىق فۋتبولشىلار شابۋىلعا شىقتى. ناتيجەسىندە 27-مينۋتتا ماكسيم سامورودوۆ كوزدەگەن نىسانادان ءمۇلت كەتكەن جوق.
وسىلايشا ازىرگە قازاقستان قۇراماسى 1:0 ەسەبىمەن باسىم ءتۇسىپ جاتىر.
ەسكە سالساق، بۇدان بۇرىن ەل قۇراماسى بەس كەزدەسۋ وتكىزدى. قازاقستاندىق فۋتبولشىلار سلوۆەنيادان 1:2 ەسەبىمەن جەڭىلسە، دانيانى (3:2)، سان-مارينونى (3:0)، سولتۇستىك يرلانديانى (1:0) ەسەبىمەن قاپى قالدىردى.
سونداي-اق، بۇگىن ەلوردا ۋاقىتىمەن 21.50-دە قازاقستاندىق فۋتبولشىلار ويىن كورسەتەتىن H توبىندا فينليانديا مەن دانيا كەزدەسۋى «Qazsport» تەلەارناسىنان تىكەلەي ەفيردە كورسەتىلەدى.
ال 0.45-تە سلوۆەنيا مەن سولتۇستىك يرلانديا قۇرامالارى جاسىل الاڭعا شىعادى.
