ەۋرو-2024: بۇگىن ەلوردادا قازاقستان جانە سولتۇستىك يرلانديا كەزدەسۋى وتەدى
قازاقستان جانە سولتۇستىك يرلانديا كەزدەسۋى 10-قىركۇيەكتە ەلوردا ۋاقىتىمەن 19:00-دە «استانا- ارەنا» ستاديونىندا وتكىزىلەدى.
ويىن «Qazsport» تەلەارناسىنان تىكەلەي ەفيردە كورسەتىلەدى.
كەزدەسۋدە باس تورەشى يزرايل ەلىنەن روي راينشرايبەر بولادى. وعان وتانداستارى داۆيد ەلياس بيتون مەن ساگي مەتزامبەر كومەكشىلىك جاسايدى. قوسالقى تورەشى دە سول ەلدىڭ وكىلى سنير ليەۆي.
قازىرگە دەيىن بەس ويىننان كەيىن توعىز ۇپاي جيناعان قازاقستان جانە تۋرنير كەستەسىندە ءتورتىنشى ورىندا تۇر.
ەسكە سالساق، بۇدان بۇرىن ەل قۇراماسى بەس كەزدەسۋ وتكىزدى. قازاقستاندىق فۋتبولشىلار سلوۆەنيادان 1:2 ەسەبىمەن جەڭىلسە، دانيانى (3:2)، سان-مارينونى (3:0)، سولتۇستىك يرلانديانى (1:0) ەسەبىمەن قاپى قالدىردى.
ال 7-قىركۇيەكتە ءوز الاڭىندا فينلياندياعا جول بەردى.
سولتۇستىك يرلانديا قۇراماسى الدىمەن سان-مارينونى جەڭىپ، ودان كەيىن فينلياندياعا 0:1، دانياعا 0:1، قازاقستانعا 0:1، سلوۆەنياعا 2:4 ەسەبىمەن ەسە جىبەردى.
سونداي-اق، بۇگىن ەلوردا ۋاقىتىمەن 21.50 دە قازاقستاندىق فۋتبولشىلار ويىن كورسەتەتىن H توبىندا فينليانديا مەن دانيا كەزدەسۋى «Qazsport» تەلەارناسىنان تىكەلەي ەفيردە كورسەتىلەدى.
ال 0.45 تە سلوۆەنيا مەن سولتۇستىك يرلانديا قۇرامالارى جاسىل الاڭعا شىعادى.
