قازاقستان شانحاي ىنتىماقتاستىق ۇيىمىندا 2024-جىلدى «ەكولوگيا جىلى» دەپ جاريالاۋدى ۇسىنادى
بۇل تۋرالى پرەزيدەنت قاسىم-جومارت توقايەۆ «ب ر ي ك س پليۋس» ديالوگى وتىرىسىندا مالىمدەدى، دەپ حابارلايدى قازاقپارات.
«اسا ماڭىزدى «ءبىر بەلدەۋ - ءبىر جول» باستاماسىن تولىقتىراتىن ترانسكاسپي حالىقارالىق كولىك ءدالىزى ساۋدا سالاسىنداعى ىنتىماقتاستىققا كەڭ مۇمكىندىك اشادى.
مۇنداي ىقپالداستىق ءوڭىرارالىق ساۋدا-ساتتىقتىڭ دامۋىنا جانە ءبىزدىڭ ايماقتاردىڭ كولىك- ترانزيت الەۋەتىن تولىق تانىتۋعا سەپتىگىن تيگىزەدى»، - دەدى مەملەكەت باسشىسى.
ول كليماتتىڭ وزگەرۋى جاھاندىق اۋقىمداعى تەرىس سالدارعا اكەلىپ سوعاتىنى بارشامىزعا ءمالىم ەكەنىن دە العا تارتتى.
«سوڭعى بىرنەشە جىلدا جاھاندىق وڭتۇستىك جانە ورتالىق ازيا ەلدەرىندە وتە قاتتى قۋانشىلىق بەلەڭ الىپ، باسقا دا تابيعات اپاتتار جيىلەپ كەتتى.
وسىعان وراي قازاقستان شانحاي ىنتىماقتاستىق ۇيىمىندا 2024-جىلدى «ەكولوگيا جىلى» دەپ جاريالاۋدى ۇسىنىپ، وسى وزەكتى پروبلەمانى شەشۋ جولىنداعى ورتاق كۇش-جىگەردى ۇيىمداستىرۋعا دايىن ەكەنىن ءبىلدىردى»، - دەدى پرەزيدەنت.
قاسىم-جومارت توقايەۆتىڭ پايىمىنشا، ش ى ۇ- نىڭ ەكولوگيا جىلىن وتكىزۋ جونىندەگى ءىس- قيمىل جوسپارى - ۋاقتىلى كوتەرىلگەن باستاما.
«بۇل باستاما ب ر ي ك س- كە مۇشە مەملەكەتتەر تاراپىنان دا قولداۋ تابادى دەپ ۇمىتتەنەمىن»، - دەدى ول جيىن بارىسىندا.
