ش ى ۇ- عا مۇشە ەلدەردىڭ قورعانىس مينيسترلەرى 2024-جىلى قازاقستاندا كەزدەسەدى
ءۇندىستان، قازاقستان، قىتاي، قىرعىزستان، پاكىستان، رەسەي، تاجىكستان جانە وزبەكستان قورعانىس مينيسترلەرى قازىرگى گەوساياسي جاعدايدى ەسكەرە وتىرىپ، ۇيىم فورماتىندا قورعانىس سالاسىنداعى ىنتىماقتاستىق تۋرالى پىكىر الماستى.
كەڭەسكە قاتىسۋشىلار اسكەري سالاداعى سەنىم شارالارىن نىعايتۋ مەن ش ى ۇ- عا مۇشە مەملەكەتتەر وڭىرلىك قاۋىپسىزدىكتىڭ جاڭا سىن-تەگەۋرىندەرى مەن قاۋىپ-قاتەرلەرىنە قارسى ءىس-قيمىل جونىندەگى كۇش-جىگەرىن ۇيلەستىرۋ ۇيىمنىڭ كۇن تارتىبىندە وزەكتىلىگىن ساقتايتىنىن اتاپ ءوتتى.
ش ى ۇ- عا مۇشە مەملەكەتتەر قورعانىس ۆەدومستۆولارى باسشىلارىنىڭ كەلەسى كەزدەسۋى 2024-جىلى قازاقستاندا وتەدى.
ەسكە سالايىق، وتىرىس اياسىندا قازاقستان قورعانىس ۆەدومستۆوسىنىڭ باسشىسى، گەنەرال-پولكوۆنيك رۋسلان جاقسىلىقوۆ ءوزىنىڭ ارىپتەستەرى - ءۇندىستان قورعانىس ءمينيسترى رادجناتح سينگح جانە قىتاي حالىق-ازاتتىق ارمياسىنىڭ قورعانىس ءمينيسترى گەنەرال-پولكوۆنيك لي شانفۋمەن كەزدەستى. تاراپتار ەكىجاقتى اسكەري ىنتىماقتاستىقتىڭ قازىرگى جاعدايى مەن پەرسپەكتيۆالارىن تالقىلادى.
