15:57, 18 - قاراشا 2022 | GMT +5
پاريجدە 2024-جىلى وتەتىن جازعى وليمپيادا ويىندارىنىڭ تۇمارى تانىستىرىلدى
استانا. قازاقپارات - 2024-جىلعى جازعى وليمپيادا ويىندارىنىڭ تۇمارى تانىستىرىلدى، دەپ حابارلايدى قازاقپارات قازاقستان رەسپۋبليكاسىنىڭ ۇلتتىق وليمپيادا كوميتەتىنە سىلتەمە جاساپ.
جازعى وليمپيادانىڭ ۇيىمداستىرۋ كوميتەتى الداعى پاريج ويىندارىنىڭ رەسمي تۇمارلارىن تانىستىردى.
وليمپيادا تۇمارلارى - فريگيا قالپاقتارى، ولارعا فريگي اتاۋى بەرىلدى.
فريگيا قالپاعى - 1978-جىلعى ۇلى فرانسيا ريەۆوليۋتسياسىنىڭ سيمۆولىنا اينالعان كونە باس كيىم.
تۇمار رەتىندە جاسالعان 2 فريگي قالپاعىنا دا «ايەل جىنىستى» بەينە بەرىلگەن.
وليمپيادانىڭ تۇمارى كروسسوۆكا كيگەن، ال پاراليمپيادا تۇمارىنىڭ ءبىر اياعى - پروتەز. كوزدەرىنىڭ ۇشىندا فرانسيا تۋى تۇرىندەگى كىرپىكتەرى بار. ەكى قالپاقتىڭ دا ءتۇسى - قىزىل.
بۇعان دەيىن فرانسيا ويىنداردى 1992-جىلى وتكىزگەن ەدى. ونداعى ويىنداردىڭ تۇمارى مادجيك گنومى بولعان.
