09:31, 02 - ناۋرىز 2021 | GMT +5
2024 -جىلى ەلىمىز ءوزىن- ءوزى المامەن تولىق قامتاماسىز ەتەدى
نۇر- سۇلتان. قازاقپارات - 2024 -جىلى ەلىمىز ءوزىن- ءوزى المامەن تولىق قامتاماسىز ەتەدى. بۇل تۋرالى ۇكىمەت وتىرىسىندا ق ر اۋىل شارۋاشىلىعى ءمينيسترى ساپارحان وماروۆ ايتتى، دەپ حابارلايدى قازاقپارات ءتىلشىسى.
«بۇگىنگى تاڭدا المانى جالپى تۇتىنۋ كولەمى 344,3 مىڭ توننانى، يمپورت 144 مىڭ توننانى قۇرايدى. ىشكى نارىقتى 6,6 مىڭ گەكتار الاڭدا جاڭا قارقىندى باقتار سالۋ ەسەبىنەن مولىقتىرۋ بولجانىپ وتىر»، - دەدى اگروونەركاسىپتىك كەشەندى دامىتۋدىڭ نەگىزگى باعىتتارى جانە ينۆەستيتسيالىق جوبالاردىڭ ىسكە اسىرىلۋى تۋرالى بايانداعان مينيستر.
ونىڭ اتاپ وتۋىنشە، جاڭا باقتار وتىرعىزۋدى نەگىزگى باق وسىرەتىن وڭىرلەر: الماتى، جامبىل جانە تۇركىستان وبلىستارى جانە شىمكەنت قالاسىندا شوعىرلاندىرۋ ۇسىنىلادى.
«جىل سايىنعى باق وتىرعىزۋ كولەمى ورتا ەسەپپەن 2 مىڭ گەكتار بولادى. بۇل تولىق جەمىس بەرۋگە بىرتىندەپ شىعا وتىرىپ، الماعا دەگەن تاپشىلىقتى جويىپ، 2024 -جىلى ءوز- ءوزىمىزدى تولىقتاي قامتاماسىز ەتۋگە مۇمكىندىك بەرەدى»، - دەدى ساپارحان وماروۆ.
