14:16, 14 - قىركۇيەك 2017 | GMT +5
جازعى وليمپيادا ويىندارى 2024 -جىلى پاريجدە وتەتىن بولدى
استانا. قازاقپارات - 4 جىل سايىن ۇيىمداستىرىلاتىن جازعى وليمپيادا ويىندارى 2024 -جىلى پاريج قالاسىندا وتەتىن بولدى، دەپ حابارلايدى «قازاقپارات» ح ا ا ءتىلشىسى BBC اقپارات كوزىنە سىلتەمە جاساپ.

ال لوس- اندجەلەس وليمپيادانى 2028 -جىلى قابىلداپ الماق. وسى ۋاقىتقا دەيىن الەمدەگى ەڭ ءىرى شاھارلارى سانالاتىن قوس قالانىڭ قايسىسى وليمپيادا ويىندارىن ءبىرىنشى وتكىزەتىنى بەلگىلى بولماعان ەدى. ۇمىتكەرلەرگە بۇل تۋراسىندا ءوزارا كەلىسىمگە كەلۋ مىندەتتەلگەن. 31 - شىلدەدە لوس- اندجەلەس قالاسىنىڭ 2028 -جىلى وليمپيادا ويىندارىن وتكىزۋ تۋرالى رەسمي تۇردە ءوتىنىم بەرگەنى بەلگىلى بولعان ەدى.
ايتا كەتەرلىگى، اتالعان ەكى قالادا دا ەكى مارتە جازعى ويىندار وتكىزىلگەن بولاتىن. اتاپ ايتقاندا، الەمدىك دارەجەدەگى اۋقىمدى سپورت سايىسىن پاريج 1900 جانە 1920 -جىلى، ال لوس- اندجەلەس 1932 جانە 1984 -جىلى وتكىزگەن بولاتىن. ال الداعى 2020 -جىلعى جازعى وليمپيادا ويىندارى توكيو قالاسىندا وتەدى.
اۆتور: ايان بەكەن ۇلى