2024-جىلى جاڭا پاندەميا جوسپارلانىپ وتىرعانى راس پا؟

قازنەتتە دۇنيەجۇزىلىك دەنساۋلىق ساقتاۋ ۇيىمى تۋرالى ۆيدەو تاراپ جاتىر. 2024-جىلى ۇيىم جاڭا پاندەميا جوسپارلاپ وتىر ەكەن. سونىمەن قاتار، ۆيدەودا كەلەسى جىلدان باستاپ د د س ۇ وعان قاتىسۋشى ەلدەردىڭ ۇكىمەتتەرىنىڭ ورنىنا شەشىم قابىلداۋ قۇقىعىنا يە بولاتىنى ايتىلادى.

Фото:  Тұрар Қазанғапов
Фото: из открытых источников

مۇنىڭ ءبارى وتىرىك، - دەپ حابارلايدى stopfake.kz.

ۆيدەودا قازىر دۇنيەجۇزىلىك دەنساۋلىق ساقتاۋ ۇيىمى مەن قاتىسۋشى ەلدەر ازىرلەپ جاتقان پاندەميا كەلىسىمى تۋرالى ايتىلادى. بۇل قۇجاتتا دەنساۋلىق ساقتاۋ سالاسىنداعى كەز كەلگەن توتەنشە جاعدايعا ارنالعان ءىس-قيمىل نورمالارى مەن الگوريتمدەرى جازىلماق. مىسالى، كەلىسىمگە ۆاكسينالاردى، ءدارى-دارمەكتەردى جانە مەديتسينالىق ماتەريالداردى تەڭ ءبولۋ تەتىكتەرىن ەنگىزۋ جوسپارلانىپ وتىر ەكەن.

جەلىدە وسى كەلىسىمنىڭ الدىن الا نۇسقاسىن كورۋگە بولادى. وندا 2024-جىلعى جاڭا پاندەميا تۋرالى نەمەسە د د س ۇ قاتىسۋشى ەلدەردەن ەگەمەندىكتەن باس تارتۋدى تالاپ ەتەتىنى تۋرالى ەشتەڭە جازىلماعان. ۇيىمنىڭ سايتىندا كەلىسىمنىڭ قورىتىندى نۇسقاسىن قاتىسۋشى ەلدەر وزدەرى ازىرلەيتىنى كورسەتىلگەن. ولاردىڭ ءارقايسى قۇجاتقا ءوز تارماقتارىن ەنگىزۋدى نەمەسە ونى ورىنسىز دەپ ساناپ، الىپ تاستاۋدى ۇسىنا الادى. كەلىسىم قابىلدانعاننان كەيىن دە قاتىسۋشى ەلدەر ونى ۇستانباۋ قۇقىعىن ساقتاپ قالادى.

كەلىسىمنىڭ قورىتىندى نۇسقاسىن 2024-جىلعى مامىردا دۇنيەجۇزىلىك دەنساۋلىق ساقتاۋ اسسامبلەياسىندا قابىلداۋ جوسپارلانىپ وتىر. كەلىسىمنىڭ سوڭعى نۇسقاسى قانداي بولاتىنى، ول قابىلدانا ما، جوق پا، سوندا عانا بەلگىلى بولادى.

ال 2024-جىلعا ]جوسپارلانعان» جاڭا پاندەميا جانە ەلدەر ەگەمەندىگىنەن ايىرىلاتىنى تۋرالى مالىمدەمەلەردى اعىلشىن ءتىلدى فاكتچەكەرلەر بىرنەشە رەت جوققا شىعارعان.

سوڭعى جاڭالىقتار