2024-جىلى الەمدىك كونتەينەرلىك تاسىمالدار نارىعى 6 پايىزعا ءوسۋى مۇمكىن

استانا. قازاقپارات - 2024-جىلدىڭ قورىتىندىسى بويىنشا الەمدىك كونتەينەر نارىعىنىڭ كولەمى 6 پايىزعا ءوسۋى مۇمكىن. مۇنداي بولجامدى A. P. Moller- Maersk A/S (APMM) ترانسۇلتتىق كومپانياسى ۇسىندى.

2024-جىلدىڭ مامىر ايىندا Maersk الەمدىك كونتەينەرلىك تاسىمالدار نارىعىنىڭ ءوسىمىن 2,5-4,5 پايىز ارالىعىندا بولادى دەپ باعالاعان ەدى. تامىز ايىندا كومپانيا ءوز بولجامىن جوعارىلاتىپ، 4-6 پايىز ارالىعىنا دەپ تۇزەتتى.

«2024-جىلعا ارنالعان الەمدىك كونتەينەرلىك تاسىمالدار نارىعىنىڭ ءوسىم بولجامى قايتا قارالدى جانە شامامەن 6 پايىزدى قۇرايدى (بۇرىنعى كورسەتكىش 4-6 پايىز ەدى)»، - دەلىنگەن APMM- نىڭ وسى اپتادا جاريالانعان حابارلاماسىندا.

ەسكە سالا كەتەيىك، حۆق ەسەبىنە سايكەس، جىل باسىندا قىزىل تەڭىزدەگى داعدارىسقا بايلانىستى بيىلعى جىلدىڭ العاشقى ەكى ايىندا سۋەتس كانالى ارقىلى وتەتىن ساۋدا كولەمى جىلدىق كورسەتكىشتە %50 عا تومەندەدى، ال قايىرىمدى ءۇمىت ءمۇيىسى ارقىلى ترانزيتپەن وتەتىن ساۋدا كولەمى 2023 -جىلعى دەڭگەيمەن سالىستىرعاندا شامامەن %74 عا ءوستى.

بۇعان دەيىن قازاقستان-قىتاي مۇناي قۇبىرىنىڭ وتكىزۋ مۇمكىندىگىن ۇلعايتۋ شارالارى قولعا الىنعانىن جازعان ەدىك.