قىتاي ءتوراعاسى 2023 –جىلعى جوسپارىن ايتتى
بۇل تۋرالى جۇما كۇنى ق ح ر ءتوراعاسى شي جينپيڭ بانگكوكتە وتكەن ازيا- تىنىق مۇحيتى ەكونوميكالىق ىنتىماقتاستىعى (ا ت ە ى) فورۋمى كوشباسشىلارىنىڭ بەيرەسمي كەزدەسۋىندە ايتتى، دەپ حابارلايدى قازاقپارات مەنشىكتى ءتىلشىسى.
«كەلەسى جىلى «ءبىر بەلدەۋ - ءبىر جول» حالىقارالىق ىقپالداستىعىنىڭ ءۇشىنشى فورۋمىن وتكىزۋ مۇمكىندىگى پىسىقتالىپ جاتىر»، - دەپ كەلتىرەدى شي جينپيڭنىڭ ءسوزىن ق ح ر سىرتقى ىستەر مينيسترلىگى.
قىتاي پرەزيدەنتىنىڭ ايتۋىنشا، بۇل ازيا- تىنىق مۇحيتى ءوڭىرىنىڭ ءبۇتىن الەمدە دامۋىنا جانە گۇلدەنۋىنە جاڭا سەرپىن بەرەدى.
«ءبىر بەلدەۋ - ءبىر جول» العاشقى فورۋمى 2017 -جىلى بەيجىڭ قالاسىندا وتكەن بولاتىن.
سونداي- اق شي جينپيڭ اتاپ وتكەندەي، قىتاي بارلىق سەرىكتەستەرمەن وڭىرلىك جان- جاقتى ەكونوميكالىق سەرىكتەستىك تۋرالى كەلىسىمدى ىسكە اسىرۋعا، ترانس- تىنىق مۇحيت سەرىكتەستىگى تۋرالى تۇتاس قامتۋ جانە پروگرەسسيۆتى كەلىسىمگە، سونىمەن قاتار سيفرلىق ەكونوميكا سالاسىنداعى سەرىكتەستىك تۋرالى كەلىسىمگە قوسىلۋ بويىنشا جۇمىستى جالعاستىرۋعا دايىن ەكەنىن اتاپ ءوتتى.
18-قاراشادا بانگكوكتە ا ت ە ى- گە قاتىسۋشى ەلدەر كوشباسشىلارىنىڭ 29-ىنشى بەيرەسمي كەزدەسۋى ءوتتى.
