يندۋستريا ءمينيسترى ب ق و جولدارىن 2023 -جىلعا دەيىن جوندەپ بىتىرۋگە ۋادە بەردى
«مەملەكەت باسشىسى بۇل جولداردى بيىل قولدانىسقا بەرۋدى تاپسىرعان بولاتىن. ويتكەنى بۇل ادامداردىڭ ومىرىمەن تىكەلەي بايلانىستى. وكىنىشكە قاراي، مۇنىڭ وبەكتيۆتى دە، سۋبەكتيۆتى دە سەبەپتەرى بار. ءبىرىنشى كەزەڭدە قارجىلاندىرۋ كولەمى جەتكىلىكسىز بولدى. بۇل جوندەۋ جۇمىستارىن تۇتاس جۇمىلدىرىپ ۇيىمداستىرۋعا مۇمكىندىك بەرمەدى. ءبىراق بۇل ءبىزدى، وسى ىسكە بايلانىسى بار جاۋاپتى قىزمەتكەرلەردى جاۋاپكەرشىلىكتەن بوساتپايدى. جولدار قايتكەن كۇندە دە سالىنىپ بىتەدى»، - دەدى قايىربەك وسكەنبايەۆ ۇكىمەت وتىرىسىنان كەيىن ب ا ق وكىلدەرىنە بەرگەن سۇحباتىندا.
سونداي-اق، ول بۇل وڭىردەگى جول جوندەۋ جۇمىستارى تولىق اتقارىلعانشا مينيسترلىك پەن «قازاۆتوجول» ماماندارى باتىس قازاقستاندا تۇرىپ جۇمىس ىستەيتىنىن ەسكە سالدى.
«ولاردىڭ ىشىندە «قازاۆتوجول» كاسىپورنى ءتوراعاسىنىڭ ورىنباسارلارى مەن مينيسترلىك ماماندارى بار. ولار بۇل باعىتتا بيىلعا جوسپارلانعان جۇمىستار تولىق اياقتالعانشا سوندا بولادى. كەشە مەن مەردىگەرلەردى جيناپ، كەستە قۇردىق. جوندەۋ جۇمىستارىن بارىنشا جىلدامداتۋدى تاپسىردىم. باتىس قازاقستاندا جول قۇرىلىسىنا قاجەتتى قيىرشىق تاس پەن ينەرتتى ماتەريالدار جوق. نە اقتوبە وبلىسىنان، نە رەسەي فەدەراتسياسىنان اكەلۋ كەرەك. نەگىزى مەردىگەرلەر تەندەرگە قاتىسار كەزدە بۇل سياقتى لوگيستيكالىق ماسەلەلەردىڭ ءبارىن الدىن الا پىسىقتاۋ كەرەك بولعان. قازىر «ق ت ج» -نى شاقىردىق. ولار بارىنشا كومەك كورسەتىپ جاتىر. نەگىزگى مىندەت مەردىگەرلەردىڭ موينىندا. ويتكەنى قاجەتتى قاراجات دەر كەزىندە بولىنگەن بولاتىن. بيىل جولدى اشساق، كەلەسى جىلى تۇتاس جۇمىستى ءتامامدايمىز»، - دەدى مينيستر.
بۇعان دەيىن پرەزيدەنت ۇزاق جىلدار بويى شەشىلمەي كەلە جاتقان باتىس قازاقستان وبلىسىنداعى كۇرە جولدار پروبلەماسى بويىنشا ۇكىمەتكە جانە ايماق باسشىسىنا تاپسىرمالار جۇكتەگەن ەدى. سونداي-اق اتالعان سەبەپتەرگە بايلانىستى يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك كاماليەۆ قىزمەتىنەن بوساتىلعان بولاتىن.
ال بۇگىن باتىس قازاقستان وبلىسىندا جول جوندەۋ جۇمىستارىنىڭ كەشىگۋىنە بايلانىستى «QAZAVTOJOL «ۇ ك» ا ق جانە ق ر ي ي د م اۆتوموبيل جولدارى كوميتەتىنىڭ ءبىرقاتار قىزمەتكەرلەرى جاۋاپقا تارتىلعان بولاتىن.
اۆتور: ەسىمجان ناقتىباي
