2023 -جىلى eHealth اقپارات جۇيەسى ىسكە قوسىلادى

نۇر- سۇلتان. قازاقپارات – ق ر پرەمەر- ءمينيسترىنىڭ ورىنباسارى ەرالى توعجانوۆ ءماجىلىس وكىلدەرىنىڭ دەپۋتاتتىق ساۋالىنا جولداعان جاۋابىندا دەنساۋلىق ساقتاۋ جۇيەسىن سيفرلاندىرۋ باعىتىندا eHealth اقپارات جۇيەسىن 2023 -جىلى ىسكە قوسۋ كوزدەلگەنىن ايتتى، دەپ حابارلايدى قازاقپارات ءتىلشىسى.

«قازىرگى تاڭدا دەنساۋلىق ساقتاۋ جۇيەسىن تسيرفلاندىرۋدىڭ نەگىزگى مىندەتى - دەنساۋلىق ساقتاۋ مينيسترلىگى مەن ونىڭ باعىنىستى ۇيىمدارىنىڭ بىتىراڭقى جاتقان اقپاراتتىق جۇيەلەرىن بىرىكتىرۋ. بۇل ماسەلەنى شەشۋ ءۇشىن eHealth اتتى دەنساۋلىق ساقتاۋدىڭ جاڭا سيفرلىق ەلەكتروندىق ساۋلەتىنە كوشۋ جۇزەگە اسىرىلىپ جاتىر. سونىڭ اياسىندا ازاماتتاردىڭ ۇلتتىق ەلەكتروندىق دەنساۋلىق پاسپورتىن جاساۋ، ميكروسەرۆيستىك ارحيتەكتۋرانى پايدالانۋعا كوشۋ جانە انىقتامالىق مالىمەتتەر بازاسىن قۇرۋ كوزدەلگەن» دەپ جازادى ەرالى توعجانوۆ.

ونىڭ سوزىنە قاراعاندا، eHealth جۇيەسىنىڭ قۇرامداس بولىكتەرىن ىسكە قوسۋ 2022 -جىلعا جوسپارلانعان. ال جۇيەنىڭ ءوزى 2023 -جىلى تولىق جۇمىس ىستەي باستايدى.

«قازىر دەنساۋلىق ساقتاۋ مينيسترلىگىنىڭ اقپاراتتىق جۇيەلەرىن موديفيكاتسيالاۋ، eHealth يادروسىنىڭ بازالىق بولشەكتەرىن ازىرلەۋ جۇمىستارى ءجۇرىپ جاتىر. موديفيكاتسيا اياسىندا «تسيفرلىق ەركىندىك» قاعيداتىن قامتاماسىز ەتۋ كوزدەلگەن. بۇل قاعيدات بويىنشا مەديتسينالىق اقپارات جۇيەلەرى اراسنىندا دەرەكتەردى جوعالتپاستان الماسۋ جوسپارلانىپ وتىر. بۇل مەديتسينالىق ۇيىمداردىڭ مەديتسينالىق اقپارات جۇيەلەرىنە تاۋەلدىگىن جويادى. قازىرگى تاڭدا «ۆاكتسيناتسيا» ، «ۆاكتسيناتسيانىڭ ەلەكتروندى پاسپورتى»، «كلينيكالىق اقپاراتتىڭ ورتالىق ساقتاعىشى» سياقتى مودۋلدەر جاسالدى»، - دەلىنگەن ۆيتسە- پرەمەردىڭ جاۋابىندا.

سونداي- اق، ەرالى توعجانوۆ ەلدەگى پەدياتر مامانداردىڭ تاپشىلىعى قالاي شەشىلىپ جاتقانىن ايتىپ بەردى.