الەمدىك ستاتيستيكا: 2023-جىلى ەڭ وزەكتى 8 ماماندىق

None
استانا. قازاقپارات - ۆوللونگونگ ۋنيۆەرسيتەتى مەن اۋستراليانىڭ جۇمىسپەن قامتۋ دەپارتامەنتى زەرتتەۋ جۇرگىزىپ، 2023-جىلى ەڭ سۇرانىسقا يە جانە وزەكتى ماماندىقتاردى انىقتادى.

مۇعالىمدەر مەن ادىسكەرلەر

ۆەدومستۆونىڭ مالىمەتىنشە، الەمدە ءبىلىم بەرۋ سالاسىندا مامانداردىڭ تاپشىلىعى سەزىلەدى. سونىمەن قاتار، كەلەسى باعىتتار جەكە بلوك رەتىندە بەلگىلەنگەن: اقپارات ءوندىرۋشى، ونلاين كۋرستار وقىتۋشىسى جانە ونلاين ادىسكەر. اسىرەسە جەلىدە مەكتەپ اشۋمەن جانە ولاردى ناسيحاتتاۋمەن اينالىساتىن ماماندارعا سۇرانىس جوعارى، وقۋ باعدارلامالارىن ازىرلەۋشىلەر دە وزەكتى.

تەستىلەۋشى

بولاشاقتا وزەكتىلىگىن جويمايتىن سۇرانىسقا يە تاعى ءبىر ماماندىق - تەستىلەۋشى. بۇل قىزمەتكەر جوبالاردى قاراستىرادى، ديزاينەرلەر نەمەسە باعدارلاماشىلار تۇزەتۋى قاجەت قاتەلەردى انىقتايدى جانە باعدارلامالاردىڭ، قولدانبالاردىڭ جانە ويىنداردىڭ مۇمكىندىگىنشە پايدالانۋشىعا ىڭعايلى بولۋىن قامتاماسىز ەتۋ ءۇشىن جۇمىس ىستەيدى.

ۆەب-سايت ازىرلەۋشى

IT سالاسى جۇمىس ءۇشىن ەڭ تابىستى جانە سۇرانىسقا يە سالالاردىڭ ءبىرى بولىپ قالا بەرەدى. جالپى العاندا، ازىرلەۋشىلەردىڭ ءۇش ءتۇرى بار: سايتتىڭ سىرتقى ءتۇرى مەن كورىنەتىن جاعىنا جاۋاپ بەرەتىن frontend، ىشكى پروتسەستەردە جۇمىس ىستەيتىن backend، جانە fullstack - امبەباپ مامان.

تارگەت سالاسىنداعى جارناما مامانى

2023-جىلى تانىمال ونلاين كاسىپ - بۇل تارگەتولوگ. مۇنداي قىزمەتكەر الەۋمەتتىك جەلىلەردە برەند قىزمەتىن ىلگەرىلەتۋ جانە دامىتۋ ماقساتىندا جارنامانى ورناتۋمەن، جاڭا تۇتىنۋشىلاردى تارتۋمەن جانە اۋديتوريانىڭ پورترەتىن جاساۋمەن اينالىسادى.

SMM مەنەدجەرى

الەۋمەتتىك جەلىلەردىڭ تانىمالدىلىعى بيىل دا باسەڭدەمەيدى. ونىڭ ۇستىنە جىل سايىن جاڭا سايتتار پايدا بولادى. قازىر Instagram, Facebook جانە Tik-Tok سياقتى جەلىلەردە SMM مەنەدجەرىنىڭ ماماندىعى سۇرانىسقا يە. مامان برەند ماركەتينگىنىڭ دامۋ جوسپارىن جاسايدى، جوبا اككاۋنتى ءۇشىن تارتىمدى كونتەنت جاسايدى، اۋديتوريامەن كەرى بايلانىس جاسايدى، كومپانيانىڭ جەلىدەگى ءيميدجىن قالىپتاستىرادى جانە پوستتار جازادى.

HR مەنەدجەرى

HR مەنەدجەرى ماماندىعى وزەكتىلىگىن جوعالتپايدى. HR مامانى كەز كەلگەن ۇجىمداعى ماڭىزدى قىزمەتكەر بولىپ قالا بەرەدى، ول جاڭا قىزمەتكەرلەردى تابۋعا عانا ەمەس، سونىمەن قاتار كاسىپورىننىڭ كادر ساياساتىن قالىپتاستىرۋعا كومەكتەسەدى.

Project-مەنەدجەر

تاعى ءبىر وزەكتى ماماندىق. بۇل قىزمەتكەر جوبانى ۇيلەستىرەدى، توپتى باسقارادى، جۇمىس پروتسەسىن رەتتەيدى جانە تۇتىنۋشىلارمەن قارىم-قاتىناسقا جاۋاپتى.

مەديتسينا قىزمەتكەرى

الەمدە مەديتسينا سالاسىنداعى مامانداردىڭ تاپشىلىعى قاتتى سەزىلىپ جاتىر. حيرۋرگ، كارديولوگ، ينفەكتسيونيست ماماندارعا سۇرانىس جوعارى.

massaget.kz


سوڭعى جاڭالىقتار