قاتار-2022: ۇيىنە ۇرى تۇسكەن اعىلشىندىق فۋتبولشى ەلىنە قايتىپ كەتتى

استانا. قازاقپارات - انگليا قۇراماسىنىڭ ويىنشىسى راحيم ستەرلينگ ۇيىنە ۇرى تۇسكەندىكتەن، ەلىنە قايتىپ كەتتى، دەپ حابارلايدى قازاقپارات ءتىلشىسى.

بريتاندىق Daily Telegraph جۋرناليسى مەتت لوۋ ءمالىم ەتكەنىندەي، قاتاردا ۇلتتىق قۇراما ساپىندا ويناپ جۇرگەن فۋتبولشى ر. ستەرلينگتىڭ لوندونداعى ءۇيىن وتكەن سەنبىدە ۇرىلار توناپ كەتكەن.

ءوز تۋعاندارىنىڭ امان ەكەنىنە كوز جەتكىزۋ ءۇشىن ءۇش كىشكەنتاي بالاسى بار راحيم ۇلى بريتانياعا ورالۋدى ءجون كورگەن. سول سەبەپتى ول انگليانىڭ 1/8 فينالدا سەنەگالمەن وتكەن ويىنىنا قاتىسا المادى. فۋتبولشى قاتارعا قايتىپ ورالۋى مۇمكىن ەكەندىگى جازىلادى. ول ازىرگە الەم چەمپيوناتىندا ءبىر گول سوقتى.

سەنەگالدى 3:0 ەسەبىمەن جەڭگەن انگليا شيرەك فينالدا 10- جەلتوقساندا الەم چەمپيونى - فرانسيامەن كەزدەسەدى.

انگليا قۇراماسىنىڭ باس باپكەرى گارەت ساۋتگەيت راحيم ستەرلينگتىڭ ەلىنە كەتكەنىن راستاپ، وتباسى ءبىرىنشى ورىندا تۇرۋى كەرەكتىگىن، ويىنشىنى قولدايتىنىن جەتكىزدى.

ەسكە سالا كەتەيىك، بۇدان بۇرىن وليۆە جيرۋدىڭ فرانسيا قۇراماسىنىڭ ۇزدىك مەرگەن ويىنشىسى اتانعانىن جازعان بولاتىنبىز.

سونداي- اق پولشانى ۇتقان فرانسيا شيرەك فينالعا جولداما الدى.

كيليان مباپپە الەم چەمپيوناتتارىندا 9 گول سوققان العاشقى جاس ويىنشى اتاندى.

اۆتور

عايساعالي سەيتاق