قاتار-2022: انگليا ەكىنشى جەڭىسىنە قول جەتكىزە الا ما

استانا. قازاقپارات - قاتاردا ءوتىپ جاتقان فۋتبولدان 2022-جىلعى الەم چەمپيوناتىنىڭ التىنشى ويىن كۇنىندە، 25- قاراشادا ۆ توبىندا ەكىنشى تۋر ويىندارى وتەدى، دەپ حابارلايدى قازاقپارات ءتىلشىسى.

العاشقى ويىن ەلوردا ۋاقىتىمەن 16:00 دە ۋەلس پەن يران اراسىندا وتكىزىلىپ، «Qazsport» تەلەارناسىنان تىكەلەي ەفيردە كورسەتىلەدى.

كەزدەسۋ ال-رايان قالاسىنداعى 45032 جانكۇيەرگە ارنالعان «احمەد بين الي» ستاديونىندا بولادى.

باس تورەشى - گۆاتەمالىق ماريو ەسكوبار. وعان ترينيداد جانە توباگو ەلىنەن كەلگەن كالەب ۋولەس پەن كوستا-ريكالىق حۋان كارلوس مورا كومەكشىلىك جاسايدى.

قوسالقى تورەشى - سەنەگالدىق ماگەتت ن'ديايە.

1978-جىلدىڭ 18- ساۋىرىندە جولداستىق كەزدەسۋدە ۋەلس اتالعان قارسىلاسىنان 1:0 ەسەبىمەن باسىم ءتۇستى.

العاشقى تۋردا ۋەلس ا ق ش قۇراماسىمەن 1:1 ەسەبىمەن تەڭ تۇسسە، يران انگلياعا 2:6 ەسەبىمەن جول بەردى.

ەكى قۇراما دا جارىستى جالعاستىرۋدان ءۇمىت ۇزگەن جوق. سوندىقتان بۇگىنگى ويىندا بار كۇشتى سالاتىنى انىق.

اتالعان توپتاعى انگليا مەن اقش كەزدەسۋى ەلوردا ۋاقىتىمەن 01:00 دە «Qazaqstan» جانە «Qazsport» تەلارنالارىنان تىكەلەي ەفيردە كورسەتىلەدى.

كەزدەسۋ ستاديون: ەل-حاۋر قالاسىنداعى 68895 جانكۇيەرگە ارنالعان «ەل-بايت» ستاديونىندا وتكىزىلەدى.

باس تورەشى - ۆەنەسۋەلالىق حەسۋس ۆالەنسۋەلا. وعان وتانداستارى - حورحە ۋررەگو مارتينەس پەن تۋليو مورەنو كومەكشىلىك جاسايدى. قوسالقى تورەشى - جاپونيالىق ەسيمي ياماسيتا.

ەكى قۇراما بۇعان دەيىن 12 مارتە كەزدەستى. ونىڭ ەكەۋى ا ق ش قۇراماسىنىڭ باسىمدىعىمەن اياقتالسا، ەكى كەزدەسۋ تەڭ ناتيجەمەن اياقتالدى.

قالعانىندا اعىلشىن فۋتبولشىلارى جەڭىسكە جەتتى.

ەسكە سالساق، 24- قاراشادا ءبىرىنشى تۋر ويىندارى مارەسىنە جەتتى.