سايلاۋ-2022: مەيرام قاجىكەن حالىق قولىنىڭ تۇگەل ەسەپتەلمەۋىنە قاتىستى پىكىر ءبىلدىردى

استانا. قازاقپارات – ق ر پرەزيدەنتتىگىنە ۇمىتكەر مەيرام قاجىكەن ورتالىق سايلاۋ كوميسسياسى ونىڭ كانديداتۋراسىن تىركەگەننەن كەيىن ب ا ق وكىلدەرىنىڭ سۇراقتارىنا جاۋاپ بەردى، دەپ حابارلايدى قازاقپارات ءتىلشىسى.

«الدىمەن «امانات» قازاقستان كاسىپوداقتار دوستاستىعى» بىرلەستىگىنىڭ ماعان سەنىم ارتقانىنا العىس ايتامىن. بۇل مەن ءۇشىن ۇلكەن جاۋاپكەرشىلىك، ايتۋلى سىناق»، - دەدى مەيرام قاجەكەن و س ك- دا وتكەن باسپا ءسوز ءماسليحاتىندا.

سونداي-اق، پرەزيدەنتتىككە كانديدات حالىقتان قول جيناۋدا بارلىعىنىڭ ەسەپتەلمەۋىنە قاتىستى پىكىر ءبىلدىردى. وسى تۇستا ايتا كەتسەك، م. قاجەكەنكە سەنىمدىلىك تانىتقان 122184 قول جينالىپ، ونىڭ 120055 ءى راستالىپ، قابىلداندى. بۇل تۋرالى ورتالىق سايلاۋ كوميسسياسىنىڭ وتىرىسىندا بەلگىلى بولدى.

«مۇمكىن، قاتە كەتكەن شىعار. الدە بىرەۋلەر ج س ن- نىڭ ورنىنا جەكە كۋالىك ءنومىرىن جازىپ جىبەردى مە؟ جەكە ءوز باسىم 230 قول جينادىم. شتاب جانە كاسىپوداق مۇشەلەرى وڭىرلەردى ارالادى. ارينە، قول جيناۋدىڭ العاشقى ساتىندە قيىندىق بولدى. اسىرەسە ۇيىمداستىرۋ جاعىنان. سەبەبى مۇنداي جۇمىستى العاش رەت وتكىزدىك. كەيىن جۇمىس جۇرە باستادى»، - دەيدى ول.

ونىڭ ايتۋىنشا، سەنىمدى وكىلدەرى ۇگىت-ناسيحات جۇمىسىنا دايىن.

«بۇگىن دەمالىپ، دۇيسەنبىدەن باستاپ قازاقستان بويىنشا ۇگىت-ناسيحات جۇمىسىن جۇرگىزۋدىڭ جوسپارىن قۇرۋعا كىرىسەمىن. وعان زاڭمەن تىيىم سالىنباعان. ۇگىت-ناسيحات بارىسىندا قول جيناۋ كەزىندە جىبەرىلگەن قاتەلىكتەردى قايتالاماۋعا تىرىسامىز»، - دەدى پرەزيدەنتتىككە ۇمىتكەر مەيرام قاجىكەن.

ايتا كەتەيىك، بۇگىن ورتالىق سايلاۋ كوميسسياسى مەيرام قاجىكەندى «امانات» قازاقستان كاسىپوداقتار دوستاستىعى» رەسپۋبليكالىق بىرلەستىگى اتىنان پرەزيدەنتتىككە كانديدات رەتىندە تىركەدى.