قىسقى پاراليمپيادا-2022: العاشقى باسەكە جەڭىمپازدارى انىقتالدى
ەل قۇراماسىنان سەرگەي ۋسولتسيەۆ پەن ەربول حاميتوۆ وتىرىپ سىرعاناۋدان سپرينتەرلىك باسەكەدە جارىس جولىنا شىقتى.
ناتيجەسىندە س. ۋسولتسيەۆ 15-ورىندى مىسە تۇتتى. ونىڭ جەڭىمپازدان قالىپ قويعان كورسەتكىشى - 3:09.4. ال ە. حاميتوۆ 16-ورىن الدى. كورسەتكىشى +3:29.1-.
اتالعان سايىستا قىتايلىق ليۋ تسزي سيۋ مارە سىزىعىن ءبىرىنشى بولىپ قيدى.
ودان كەيىنگى ورىندار ۋكراينالىق تاراس راد پەن تاعى ءبىر قىتايلىق ليۋ مەنتاوعا بۇيىردى.
ايتا كەتسەك، بۇگىن تۇرەگەپ سىرعاناۋدا تاعى ءبىر قازاقستاندىق الەكساندر گەرليتس 6 شاقىرىمدىق جارىسقا شىعادى. بۇدان كەيىن قازاقستاندىق سپورتشىلار 6، 8، 11، 12، 13- ناۋرىز كۇندەرى ايتۋلى الاماندا باق سىنايدى.
ەسكە سالساق، XIII قىسقى پاراليمپيادا ويىندارىندا ەل نامىسىن سەرگەي ۋسولتسيەۆ، الەكساندر گەرليتس، ەربول حاميتوۆ، دەنيس پەترەنكو مەن يۋري بەرەزين قورعايدى.
قازاقستان سپورتشىلارى پاراليمپيادا ويىندارىنا 1994-جىلدان بەرى تۇراقتى تۇردە قاتىسىپ كەلەدى. بۇگىنگى كۇنگە دەيىن ەل قورجىنىنا 1 التىن، 1 كۇمىس مەدال ءتۇستى.
