11:45, 22 - ماۋسىم 2020 | GMT +5
فۋتبولدان 2022-جىلعى الەم چەمپيوناتى: ەۋروپالىق ىرىكتەۋدىڭ ەرەجەسى بەكىتىلدى
نۇر-سۇلتان. قازاقپارات - فۋتبولدان 2022-جىلعى الەم چەمپيوناتى ەۋروپالىق ىرىكتەۋ كەزەڭىن وتكىزۋ جوسپارى بەلگىلى بولدى، دەپ حابارلايدى قازاقپارات ءتىلشىسى قازاقستان فۋتبول فەدەراتسياسىنا سىلتەمە جاساپ.
جارىس ەرەجەسىنە سايكەس، قۇرامالار ون توپقا بولىنەدى. ولاردىڭ بەسەۋىندە التى قۇرامادان بولادى. قالعانىندا بەس قۇراما باق سىنايدى. ى
رىكتەۋ كەزەڭىندە ولاردىڭ ءاربىرى وزىندە جانە سىرت الاڭدا قارسىلاسىمەن كەزدەسەدى. توپ جەڭىمپازدارى الەم چەمپيوناتىنىڭ فينالىنا تىكەلەي جولداما الادى.
ەكىنشى ورىن يەگەرلەرى جانە ۇلتتار ليگاسىندا وزىق شىققان ەكى قۇراما وتپەلى كەزەڭ ويىندارىندا ونەر كورسەتەدى.
ءۇش جەڭىمپاز ءدۇبىرلى دوداعا قاتىسۋ مۇمكىندىگىنە قول جەتكىزەدى.
ەستەرىڭىزگە سالا كەتەلىك، الەم چەمپيوناتىنىڭ فينالدىق كەزەڭى 2022-جىلدىڭ 21- قاراشاسى مەن 18- جەلتوقسانىندا كاتار مەملەكەتىندە وتكىزىلەدى. جارىستىڭ بۇل ساتىسىندا بارلىعى 32 قۇراما باق سىنايدى.
بۇدان بۇرىن فۋتبولدان بيىلعى ۇلتتار ليگاسىنىڭ وتەتىن مەرزىمى انىقتالدى.
