الەۋمەتتىك اراقاشىقتىقتى ساقتاۋ 2022-جىلعا دەيىن تالاپ ەتىلۋى مۇمكىن – مينيستر
«قازىر الەمنىڭ كەيبىر ەلىندە جانە قازاقستاندا دا كوروناۆيرۋس ينفەكسيانىڭ ەكىنشى تولقىنى ءجۇرىپ جاتىر. ەلىمىزدە ەكىنشى تولقىن مامىر ايىنىڭ سوڭىندا كارانتين تالاپتارىن جەڭىلدەتكەننەن كەيىن باستالدى. وكىنىشكە قاراي، COVID-19 جۇقتىرعاندار سانى بىردەن ارتتى»، - دەپ جازدى مينيستر الەۋمەتتىك جەلىدەگى پاراقشاسىندا.
ونىڭ سوزىنە قاراعاندا، جاقىندا گارۆارد قوعامدىق دەنساۋلىق ساقتاۋ مەكتەبى پروفەسسورىنىڭ زەرتتەۋ ماتەريالى جاريالاندى. وندا اۆتور بەتا- كوروناۆيرۋس ماۋسىمى، يممۋنيتەت جانە قارسى يممۋنيتەت تۋرالى مالىمەتتەردى پايدالانىپ، SARS- CoV-2 كوروناۆيرۋسىنىڭ تارالۋىن ەسەپتەگەن.
«كۇزگى- قىسقى كەزەڭدە SARS- CoV-2 قايتالانادى دەپ بولجاعان جانە تولقىندى بولدىرماۋ ءۇشىن 2022 -جىلعا دەيىن ورتاشا الەۋمەتتىك اراقاشىقتىقتى ساقتاۋ تالاپ ەتىلۋى مۇمكىن - وسى ۋاقىتقا دەيىن ۇجىمدىق يممۋنيتەت قالىپتاسادى نەمەسە ۆاكسينا ازىرلەپ، ونى پايدالانۋىمىز كەرەك. قازىر SARS- CoV-2-گە يممۋنيتەتتىڭ دارەجەسى مەن ۇزاقتىعى بەلگىسىز، سوندىقتان بىرنەشە سسەناري ەسەپكە الىنعان. ماتەريال مالىمەتتەرى بويىنشا قىسقا مەرزىمدى يممۋنيتەت (40 اپتا) جاسالۋى مۇمكىن، وندا ىندەت جىل سايىن قايتالانادى. ەگەر مەرزىمدى يممۋنيتەت پايدا بولسا (104 اپتا) - ەكى جىلدا ءبىر رەت شىعادى. ال ءومىر بويعى يممۋنيتەت - ۆيرۋستىڭ ەليميناتسياسى بولسا، 2024 -جىلى قايتا ءورشۋى مۇمكىن. بۇل جاڭا ينفەكسيا. بۇكىل الەم ونى زەرتتەيدى، بولجام جاسايدى، ىندەتپەن كۇرەسۋ جولدارىن قاراستىرادى»، - دەدى ۆەدومستۆو باسشىسى.
ونىڭ پايىمىنشا، قازىر ينفەكسيانىڭ تارالۋىن شەكتەۋگە باعىتتالعان شارالار مەن كارانتيندى جەڭىلدەتىلدەتۋدىڭ قاۋىپسىز قادامدارى اراسىنداعى ورتاق تەڭگەرىمدى تاۋىپ، ونى ۋاقىتشا ءومىر سالتىنا ەنگىزۋ قاجەت. «كوروناۆيرۋس ءبىزدى ءالى تاعى دا ابىگەرگە سالارى انىق. سوندىقتان، بۇل شارالارعا ءمان بەرىپ، مۇقيات قاراۋعا ءماجبۇرمىز»، - دەدى ەلجان ءبىرتانوۆ.
بۇدان بۇرىن حابارلانعانداي، مينيستر «جەكە كارانتينگە» قاتىستى پىكىر بىلدىرگەن بولاتىن. اۆتور: رۋسلان عابباسوۆ
