كەڭ جولاقتى ينتەرنەت 2022 -جىلى بارلىق ەلدى مەكەندە بولادى - ساعىنتايەۆ
«ۇكىمەت ءسىزدىڭ باستاماڭىزبەن باستاۋ العان «سيفرلىق قازاقستان» باعدارلاماسىن جۇزەگە اسىرۋ بويىنشا بەلسەندى جۇمىستاردى اتقارۋدا. 2022 -جىلعا قاراي ەلىمىزدىڭ بارلىق ەلدى مەكەندەرى كەڭ جولاقتى ينتەرنەتكە قول جەتكىزىپ، قاجەتتى بايلانىسپەن قامتاماسىز ەتىلەدى»، - دەدى ۇكىمەت باسشىسى.
وسى ورايدا باقىتجان ساعىنتايەۆ سيفرلىق ەكونوميكا مەن حالىقتىڭ سيفرلىق ساۋاتتىلىعى ءۇشىن كادرلاردى دايارلاۋ جونىندەگى جوسپار قابىلدانعانىن اتاپ ءوتتى. باستاپقى 500 ونەركاسىپتىك كاسىپورىندا 4.0 يندۋسترياسى ەلەمەنتتەرىن ەنگىزۋ مەن بازالىق سالالاردا تەحنولوگيالىق قايتا جاراقتاۋ بويىنشا شارالار ازىرلەندى. ەلەكتروندىق كوممەرتسيانى دامىتۋدا، سونداي-اق جالپى IT- سالانى جەتىلدىرۋ تۇرعىسىندا زاڭنامالىق نورمالار ازىرلەندى.
«اقىلدى» قالالاردى دامىتۋ تۇجىرىمداماسى بەكىتىلدى. جىل سوڭىنا دەيىن ءار وڭىردە قاناتقاقتى جوبالار جۇزەگە اسىرىلادى»، - دەدى پرەمەر- مينيستر.
