الماتىنىڭ 2022-جىلى قىسقى وليمپيادانىڭ استاناسى بولارىنا سەنىمدىمىز - مەملەكەت باسشىسىنا حات
قازاقستان پرەزيدەنتىنىڭ اتىنا جولداعان حاتىندا ءتۇرلى شەتەل مەملەكەتتەرىنىڭ وكىلدەرى بولىپ تابىلاتىن اۆتورلار تاۋەلسىزدىك جىلدارى ءبىزدىڭ ەل ەكونوميكا مەن سپورتتا زور جەتىستىكتەرگە جەتكەنىن اتاپ وتكەن.
«ءسىزدى قازاقستاننىڭ دامىعان 50 ەلدىڭ قاتارىنا قوسىلۋ جونىندەگى بيىك ماقساتىنىڭ مەرزىمىنەن بۇرىن ىسكە اسۋىمەن قۇتتىقتاي وتىرىپ، ەكونوميكاسى مەن تۇرمىس دەڭگەيى ەڭ جوعارى وتىز مەملەكەتتىڭ قاتارىنا ەنۋ جونىندەگى جاھاندىق باستامانىڭ دا تابىستى بولاتىندىعىنا سەنىم بىلدىرەمىز. بۇل جوسپارلار سپورتتا قازىردىڭ وزىندە ىلگەرىلەي ورىندالۋدا. جالپى كوماندالىق ەسەپتە 12-ورىندى يەلەنگەن قازاقستان سپورتشىلارىنىڭ لوندوندا وتكەن جازعى وليمپيادا ويىندارىنداعى زور تابىستارىنا بۇكىل الەم قول سوقتى»، - دەلىنگەن حاتتا.
كونگرەسكە قاتىسۋشىلار ەلىمىزدىڭ الماتىدا 2017-جىلى ۋنيۆەرسيادا وتكىزۋ ءۇشىن بارلىق جاعدايدى جاساعانىنا دا توقتالعان.
«قازاقستانداعى سپورت پەن ەكونوميكا دامۋىنىڭ جوعارى قارقىنى بىزگە الماتىنىڭ 2022-جىلى قىسقى وليمپيادا ويىندارىنىڭ استاناسى بولۋ قۇقىعىن يەلەنۋ جولىنداعى كۇرەسى تابىستى بولادى دەگەن بولجام جاساۋعا مۇمكىندىك بەرەدى»، - دەپ جازادى اۆتورلار.
سوڭىندا 18-حالىقارالىق عىلىمي كونگرەسكە قاتىسۋشىلار مەملەكەت باسشىسىنا تابىس تىلەپ، ويعا العان بارلىق جوسپارلارىنىڭ ورىندالۋىنا تىلەكتەستىك بىلدىرگەن.
