2022 -جىلعا ارنالعان رەسپۋبليكالىق بيۋدجەت شىعىستارى 2,7 تريلليون تەڭگەگە ۇلعايدى
بۇل تۋرالى بۇگىن ۇكىمەت وتىرىسىندا ق ر پرەمەر- ءمينيسترىنىڭ ورىنباسارى - قارجى ءمينيسترى ەرۇلان جاماۋبايەۆ ايتتى، دەپ حابارلايدى قازاقپارات ءتىلشىسى.
«سىزدەردىڭ قاراۋلارىڭىزعا 2022 -جىلعا ارنالعان رەسپۋبليكالىق بيۋدجەتتى ناقتىلاۋ تۋرالى زاڭ جوباسى ۇسىنىلىپ وتىر. ناقتىلاۋ اياسىندا مەملەكەت باسشىسىنىڭ تاپسىرمالارى، باعدارلامالىق قۇجاتتاردىڭ ءىس- شارالارى، ماكروەكونوميكالىق كورسەتكىشتەردىڭ وزگەرۋىنە بايلانىستى شىعىستار، سونداي- اق بۇرىن قابىلدانعان شۇعىل مىندەتتەمەلەردى ىسكە اسىرۋعا ارنالعان قوسىمشا قاراجات ەسكەرىلدى. اتالعان باعىتتار بويىنشا بيۋدجەت شىعىستارى 2,7 تريلليون تەڭگەگە ۇلعايتىلدى»، - دەدى ول.
ونىڭ اتاپ وتۋىنشە، بيۋدجەت شىعىستارى 1,1 تريلليون تەڭگە بيۋدجەتتىڭ ءوز كىرىستەرى جانە 1,6 تريلليون تەڭگەگە ۇلتتىق قوردان كەپىلدەندىرىلگەن ترانسفەرتتى ۇلعايتۋ ەسەبىنەن ارتتىرىلادى.
«پرەزيدەنتتىڭ تاپسىرمالارىن ىسكە اسىرۋعا قوسىمشا 1,8 تريلليون تەڭگە باعىتتالاتىن بولادى»، - دەدى ەرۇلان جاماۋبايەۆ.
