الەمدەگى 2021-جىلعى ەڭ باي مەملەكەتتەر: قازاقستان نەشىنشى ورىندا؟

نۇر-سۇلتان. قازاقپارات - كوپتەگەن بەدەلدى ساراپشىلاردىڭ پىكىرىنشە، بۇگىندە پلانەتادا 196 عا جۋىق تاۋەلسىز ەل بار. ناقتى سانىن ايتۋ قيىن، سەبەبى كەيبىر مەملەكەتتەر حالىقارالىق دەڭگەيدە رەسمي تۇردە تانىلماعان.

الەمدەگى ەڭ باي ەل ج ءى ءو- ءنىڭ جالپى دەڭگەيىمەن، ياعني ەكونوميكانىڭ بارلىق سەكتورلارىندا وندىرىلەتىن سوڭعى تاۋارلار مەن قىزمەتتەردىڭ نارىقتىق قۇنىمەن انىقتالادى دەگەن قاتە پىكىر.

ءيا، ەكونوميكانىڭ قۋاتى مەن تۇتاستاي العاندا مەملەكەتتىڭ تۇراقتىلىعى كوبىنە ج ءى ءو كولەمىنە بايلانىستى، ءبىراق بۇل ءاربىر ازاماتتىڭ جوعارى ءومىر ءسۇرۋ دەڭگەيىنە كەپىلدىك بەرمەيدى.

مىسالى قىتايدا 1,4 ميللياردتان استام ادام تۇرادى، ءتىپتى ماڭىزدى ماكروەكونوميكالىق كورسەتكىشتەرگە قاراماستان، جەرگىلىكتى تۇرعىنداردىڭ جاپپاي ءال-اۋقاتى تۋرالى ايتۋعا ءالى ەرتە. سوندىقتان الەمدەگى ەڭ باي ەل دەگەن سۇراققا جاۋاپ بەرگەندە جان باسىنا شاققانداعى ج ءى ءو- ءنى ەسەپكە الۋ ادەتكە اينالعان.

ادەتتە، بۇل جەردە جەتەكشى ورىنداردى تابيعي رەسۋرستاردىڭ ۇلكەن قورى بار نەمەسە تەحنولوگيالىق ەكونوميكاسى وتە دامىعان شاعىن ەلدەر الادى. مۇنداي ەلدەردە ءومىر ءسۇرۋ دەڭگەيى وتە جوعارى. حالىقارالىق ۆاليۋتا قورىنىڭ رەسمي مالىمەتتەرى بويىنشا جان باسىنا شاققانداعى ج ءى ءو دەڭگەيىن ەسكەرە وتىرىپ، ءبىز 2021 -جىلى الەمدەگى ەڭ باي 10 ەلدىڭ ءتىزىمىن ۇسىنامىز.

1. ليۋكسەمبۋرگ

بار-جوعى 600 مىڭنان اسا حالقى بار وسى كىشكەنتاي مەملەكەتتە ادامداردىڭ ءومىر ءسۇرۋ دەڭگەيى وتە جوعارى. ليۋكسەمبۋرگ - الەمدەگى ەڭ ماڭىزدى قارجى-بانك ورتالىقتارىنىڭ ءبىرى. ونىڭ 200 دەن استام بانكتىڭ فيليالى، 1000 نان استام ينۆەستيتسيالىق قورى بار، كۇندەلىكتى قارجىلىق وپەراتسيالاردىڭ سانى مەن كولەمى كەز كەلگەن ەكونوميستى تاڭ قالدىرادى. ليۋكسەمبۋرگ ەڭ تازا مەملەكەتتەر قاتارىنا دا جاتادى. ج ءى ءو جان باسىنا شاققاندا - 112875 دوللار.

2. سينگاپۋر

بۇل ەلدە باسقا مەملەكەتتەردەگىدەي پايدالى قازبالار جوقتىڭ قاسى، ءبىراق 5,7 ميلليون ادامنىڭ بارلىعى ەرىك-جىگەرلى، ەڭبەكقور جانە ءتارتىپ ارقىلى بۇكىل مەملەكەتتىڭ دەڭگەيىن كوتەرگەن.

جالپى، سينگاپۋرلىقتاردىڭ ءومىر ءسۇرۋ دەڭگەيى جوعارى. ازيا مەملەكەتىندە الەۋمەتتىك ەرەجەلەر مەن سالىقتار وتە تومەن. ال، نەگىزگى تابىس تۋريزم، حيميا جانە ەلەكترونيكا ونەركاسىبى، بانك جانە قارجى سالالارىنان تۇسەدى.

سينگاپۋر سونىمەن قاتار، الەمدەگى ەڭ تازا مەملەكەتتەر تىزىمىندە دە الدىڭعى ورىندا. مىسالى بۇل ەلدە كوشەگە قوقىس تاستايتىن كەز كەلگەن ادام (ءتىپتى قاراپايىم قاعازدىڭ ءبىر بولىگى) 600 دوللار ايىپپۇل تولەيدى. سوندىقتان دا بۇل جەردە ساعىز ساتۋعا تىيىم سالىنعان. بۇل ەلگە ساعىزدى ساتۋ ءۇشىن الىپ كەلەتىندەر 5500 دوللار ايىپپۇل تولەيدى نەمەسە 1 جىلعا باس بوستاندىعىنان ايرىلادى. ج ءى ءو جان باسىنا شاققاندا - 95603 دوللار.

3. كاتار

حالىقارالىق ۆاليۋتا قورىنىڭ مالىمەتى بويىنشا، كەيىنگى بىرنەشە جىلدا جان باسىنا شاققانداعى جالپى ىشكى ءونىم بويىنشا كاتار كوشباسشى ەلدەر قاتارىندا. كاتار تابيعي گاز ەكسپورتى بويىنشا الەمدە ءۇشىنشى ورىندا، ال تابيعي گاز بەن مۇناي ونىمدەرىن ەكسپورتتاۋدا التىنشى ورىندا.

2,5 ميلليونعا جۋىق حالقى بار ەلدىڭ حالقىنا ج ءى و جان باسىنا شاققاندا 91897 دوللاردان كەلەدى. ء مىنسىز ينفراقۇرىلىم قۇرۋعا مۇمكىندىك بەرگەن باي تابيعي رەسۋرستاردىڭ ارقاسىندا كاتار 2022-جىلى فۋتبولدان الەم چەمپيوناتىن قابىلدايتىن ايماقتاعى ءبىرىنشى ەل بولادى.

4. يرلانديا رەسپۋبليكاسى

يرلانديالىقتاردىڭ ءال-اۋقاتىن تاۋ-كەن، ازىق-تۇلىك ءوندىرىسى مەن بانك سەكتورى باسىم دامىعان ەكونوميكاسى قامتاماسىز ەتەدى. ءار قىزمەت سالاسىنا جوعارى تەحنولوگيالار مەن يننوۆاتسيالىق ونىمدەر ەنگىزىلىپ جاتىر. يرلانديا حالقى شامامەن 5 ميلليون ادامدى قۇرايدى. ساۋدا - ەل بايلىعىنىڭ نەگىزى سانالادى. ج ءى ءو جان باسىنا شاققاندا - 89383 دولار.

5. شۆەيتساريا

شۆەيتساريا - بۇل ءومىر ءسۇرۋ دەڭگەيى وتە جوعارى جانە دامىعان ەكونوميكاسى بار ەۋروپانىڭ ەلى. ساياسي جانە اسكەري بىرلەستىكتەرگە قاتىستى مەملەكەتتىڭ الەمگە ايگىلى بەيتاراپتىعى تابىستى ساۋداعا جانە پلانەتانىڭ ءار ءتۇرلى ەلدەرىمەن ءوزارا ءتيىمدى قارىم-قاتىناستىڭ دامۋىنا ىقپال ەتەدى.

شۆەيتساريادا 8,7 ميلليون حالىق تۇرادى. ءاربىر دەرلىك شۆەيتساريا ازاماتى ءوز ەلىنىڭ مادەنيەتى مەن ءداستۇرىن قۇرمەتتەيدى. ەكونوميكانىڭ تىرەگى - بانك سەكتورى مەن جوعارى تەحنولوگيالىق ساپالى ونىمدەر. ج ءى ءو - 68340 دوللار.

6. نورۆەگيا

ب ا ءا ىستىق اۋا رايىن جەڭە العان بولسا، سكانديناۆيا ەلى سۋىق پەن قاتال قىستىڭ تابيعي اپاتتارىن جەڭدى. نورۆەگيانىڭ 5,3 ميلليون حالقى بار. جان باسىنا شاققانداعى جالپى ىشكى ءونىمى شامامەن 64856000 دوللار. مۇناي مەن تابيعي گازدى ءوندىرۋ مەن قايتا وڭدەۋ ەلدىڭ 2021-جىلعى ەڭ باي مەملەكەت وندىعىنا كىرۋىن قاماماسىز ەتتى.

7. ا ق ش

حالقى شامامەن 331 ميلليون ادام. ءار شتاتىندا ءار ءتۇرلى زاڭناما، سالىق ستاۆكالارى، باعالار، ەڭبەك نارىعى، كليمات جانە باسقالارى بار وتە الۋان ءتۇرلى جانە كوركەم ەل. سوندىقتان، شتاتتارعا پوتەنتسيالدى يمميگرانتتار اراسىندا تاڭداۋ كوپ. مىسالى، امەريكا قۇراما شتاتتارىندا ءومىر سۇرۋگە بولاتىن ەڭ جاقسى قالالاردىڭ ءتىزىمىن كورۋگە بولادى. ج ءى ءو - 63051 دوللار.

8. برۋنەي

برۋنەي - 433 مىڭعا جۋىق حالقى بار وڭتۇستىك - شىعىس ازياداعى تاعى ءبىر شاعىن مەملەكەت. ەكونوميكا مۇناي مەن تابيعي گاز وندىرۋگە نەگىزدەلگەن. برۋنەي قولايلى كليماتقا يە. كوپتەگەن تۋريستەردى تارتاتىن وتە ادەمى جەرى كوپ. جەرگىلىكتى ازاماتتار جوعارى ءبىلىمدى جانە كوپشىلىگى اعىلشىن ءتىلىن بىلەدى.

بيلىك تۇرعىنداردى تەگىن ءدارى-دارمەكپەن قامتاماسىز ەتەدى جانە جەكە تابىس سالىعىن المايدى. ج ءى ءو - 61816 دوللار.

9. بىرىككەن اراب امىرلىكتەرى

بۇل ەلدە جان باسىنا شاققانداعى جالپى ىشكى ءونىم (ب ا ءا حالىق سانى 10 ميلليونعا جۋىق) 58466 دوللارعا جەتەدى. مۇناي مەن اليۋميني ءوندىرىسى، دامىپ كەلە جاتقان تۋريزم يندۋسترياسى مەن جۇيەلى ەكونوميكا ەل ازاماتتارىنىڭ ءال-اۋقاتىن كوتەرىپ، بۇل مەملەكەت ءشول دالا مەن قولايسىز ىستىق كليماتتى جەڭدى.

قازىرگى كۇندە ەڭ جاقسى قوناق ۇيلەر، ۇلكەن ءزاۋلىم عيماراتتار، باي شەيحتار مەن «قارا التىن» ب ا ءا- ءنىڭ اۋقاتتى مەملەكەت ەكەنىن بىلدىرەدى.

10. دانيا

2021-جىلعى الەمدەگى ەڭ باي 10 ەلدىڭ توپ-10 رەيتينگىن ەۋروپانىڭ سولتۇستىگىندە ورنالاسقان شاعىن سكانديناۆيا مەملەكەتى جابادى. حالقى نەبارى 5,8 ميلليون ادام. سوڭعى بىرنەشە جىلدا دانيا الەمدەگى ەڭ باقىتتى 3 ەلدىڭ قاتارىنا ەندى. مۇندا ءومىر سۇرۋگە، كاسىپپەن اينالىسۋعا، كاسىبي قىزمەت پەن وقۋعا جايلى جاعدايلار جاسالعان. دانيادا تاماشا ينفراقۇرىلىم مەن كۇشتى جوعارى تەحنولوگيالىق ەكونوميكا بار.

P. S وكىنىشتىسى پوستكەڭەستىك ەلدەر الەمدەگى ەڭ باي مەملەكەتتەردىڭ وندىعىنان الدەقايدا ارتتا قالدى.

مىسالى جان باسىنا شاققانداعى ج ءى ءو بويىنشا رەسەي 50-ورىندا (27394 دوللار)، قازاقستان 51- ورىندا (26595 دوللار)، بەلارۋس رەسپۋبليكاسى 4^-ورىندا (19759 دوللار)، ۋكراينا 93-ورىندا (12710 دوللار)، وزبەكستان 121- ورىندا (7449 دوللار)، قىرعىزستان 141- ورىندا (5036 دوللار).

massaget.kz