2021 -جىلدىڭ باسىنان بەرى قانشا ەتنيكالىق قازاق قانداس مارتەبەسىن الدى؟

نۇر- سۇلتان. قازاقپارات - 2021 -جىلعى 1-تامىزداعى جاعداي بويىنشا 10398 ادام تاريحي وتانىنا ورالىپ، قانداس مارتەبەسىن الدى، دەپ حابارلايدى قازاقپارات ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.

جالپى 1991 -جىلدان بەرى رەسپۋبليكاعا 1 ميلليون 80,7 مىڭ ەتنيكالىق قازاق ورالدى. وسى جىلدىڭ باسىنان باستاپ قازاقستانعا كەلگەن قانداستاردىڭ جارتىسىنان استامى % 76,4 وزبەكستاننان، %10,1 – ق ح ر- دان، %6,4 - تۇركىمەنستاننان،% 2,5 - موڭعوليادان جانە %4,6 - باسقا ەلدەردەن كەلگەندەر بولىپ تابىلادى.

كەلگەن ەتنيكالىق قازاقتار نەگىزىنەن الماتى %29,8 ، تۇركىستان % 14,2، ماڭعىستاۋ %18,4 جانە جامبىل %8,3 وبلىستارىنا، سونداي- اق شىمكەنت %10,6 قالاسىنا قونىستاندى.

اعىمداعى جىلدىڭ 1-تامىزىنداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى %55,4 دى، ەڭبەككە قابىلەتتى جاستان كىشى%26,2 دى جانە زەينەتكەرلەر %18,4 دى قۇرايدى. ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا %11- ى جوعارى ءبىلىمدى، %39,6- ى ورتا كاسىبي ءبىلىمدى، %45,6 ى جالپى ورتا ءبىلىمدى جانە %3,8 نىڭ ءبىلىمى جوق.