19:47, 17 - تامىز 2021 | GMT +5
عىلىمي دالەلدەنگەن: 2021 -جىلدىڭ شىلدەسى تاريحتاعى ەڭ ىستىق اي بولدى
نۇر-سۇلتان.قازاقپارات – ا ق ش- تىڭ ۇلتتىق مۇحيت جانە اتموسفەرا باقىلاۋ باسقارماسى (NOAA) 2021 -جىلدىڭ شىلدەسى تاريحتاعى ەڭ ىستىق اي بولعانىن حابارلادى.
جەر بەتى مەن مۇحيتتىڭ جالپى تەمپەراتۋراسى 2021 -جىلى شىلدەدە سەلسي بويىنشا 0,93 گرادۋسقا كوتەرىلدى. بۇعان دەيىنگى تەمپەراتۋرالىق رەكورد 2016 -جىلى ورناتىلعان بولاتىن.
«بۇل كورسەتكىش - ەڭ ناشار جاعدايدىڭ دالەلى»، - دەيدى ۇيىم وكىلى ريك سپينراد. ويتكەنى، ءبىز جاھاندىق جىلىنۋ مەن كليماتتىق داعدارىستىڭ تاعى ءبىر ايقىن دالەلىن كورىپ وتىرمىز.
2016 -جىلى جاھاندىق جىلىنۋعا ەل- نينو قۇبىلىسى سەبەپ بولدى. عالىمدار جەر بەتىندەگى اۋا تەمپەراتۋراسىنىڭ ءارى قاراي جوعارىلاي بەرەتىنىن سول كەزدە- اق العا تارتقان ەدى. ال 2017 -جىلى بۇل ىستىق از دا بولسا باسەڭسىدى. بۇل ەل- نينوعا قارسى جۇرەتىن لا- نينيا قۇبىلىسىنىڭ ارقاسىندا بولدى. ءبىراق، مۇنان سوڭ جەردەگى تەمپەراتۋرا قايتادان جوعارىلاي تۇستى.
