پاراليمپيادا-2020: تەمىرجان داۋلەت كۇمىس مەدال الدى

توكيو. قازاقپارات - توكيودا ءوتىپ جاتقان پاراليمپيادا ويىندارىندا قازاقستاندىق پارادزيۋدوشى تەمىرجان داۋلەت كۇمىس مەدال الدى، دەپ حابارلايدى قازاقپارات.

تەمىرجان داۋلەت 73 كەلى سالماقتا سىنعا ءتۇستى. ول فينالدا وزبەكستاندىق فەرۋز سايدوۆپەن شەبەرلىك بايقاستى. باسەكە بارىسىندا تەمىرجان قارسىلاسىنىڭ وسال تۇسىن تابۋعا تىرىستى.

دەگەنمەن قارسىلاسىنا يپپون ادىسىمەن جول بەرىپ قويدى. تەمىرجان جارتىلاي فينالدا گرۋزين گەورگيي كالدانيدەن ايلاسىن اسىرىپ، قارسىلاسىن يپپونمەن جەڭدى.

ايتا كەتەيىك، بۇدان بۇرىن ەل قۇراماسىنان پاۋەرليفتينگ شەبەرى داۆيد دەگتياريەۆ چەمپيون اتانسا، پارادزيۋدوشى ءانۋار ساريەۆ كۇمىس جۇلدەگەر بولدى.

بۇعان دەيىنگى پاراليمپيادا ويىندارىندا 2016-جىلى برازيليانىڭ ريو-دە-جانەيرو قالاسىندا ءزۇلفيا گابيدۋللينا ەركىن ادىسپەن 100 مەترگە سۋعا جۇزۋدەن چەمپيون اتاندى. سول جولى تاعى ءبىر قازاقستاندىق راۋشان قويشىبايەۆا پاۋەرليفتينگتەن ايەلدەر اراسىندا 67 كەلىدە ەكىنشى ورىن الدى.

توكيو پاراليمپياداسى 24- تامىزىندا باستالدى، ول 5- قىركۇيەكتە مارەسىنە جەتەدى.

جارىستا ەلىمىزدىڭ اتىنان بارعان 26 سپورتشى سپورتتىڭ 7 تۇرىنەن سىنعا تۇسۋدە.